Nepal's No.1 Filmy Web Magazine

जेकेएस इन्टरटेनमेन्टको प्रस्तुतिमा फिल्म ‘द प्रोफेसनल गाइज’ निर्माण हुने भएको छ । शुक्रबार एक भिडियोमार्फत फिल्म निर्माणको घोषणा गरिएको हो । भिडियोलाई रमाइलो शैलीमा तयार पारिएको छ, जसमा निर्देशकको पछिल्लो फिल्म नै रिलिज हुन नसकेकोजस्ता प्रसंग राखिएको छ । भिडियोको प्रस्तुति शैली हेर्दा फिल्म हास्यप्रधान हुने देखिन्छ । 

दसैंको अवसर पारेर असोज ३० गतेबाट प्रदर्शनमा आउन लागेको एक्सन फिल्म ‘१२ गाउँ २’को दोस्रो रोमान्टिक गीत ‘लालीगुराँस’ सार्वजनिक गरिएको छ । शिव परियार र सरोदी कुमार (बोरा)को स्वर रहेको गीतमा युग भुसालको शब्द तथा संगीत छ । सरोदी भारतीय गायिका हुन् । उनले भोजपुरी र हिन्दी फिल्मका थुप्रै गीतमा स्वर दिइसकेकी छन् । 

नेपालमा कुनै अभिनेता जुँगाका कारण परिचित छन् भने ती भुवन केसी हुन् । उनको व्यक्तित्वमा जुँगाले छुट्टै आकर्षण थपेको छ । उनले जुँगा बिना सम्भवतः फिल्म समेत खेलेका छैनन् । अब उनकै जुँगाको स्टाइलमा छोरा अनमोल केसी फिल्म ‘बाटुलो जून’मा देखिने भएका छन् । शुक्रबार सार्वजनिक टिजरमा उनको जुँगासहितको लुक देखाइएको छ ।

राष्ट्रिय अवार्ड विजेता फिल्म ‘बुलाकी’का निर्देशक लक्ष्मण सुनारको लेखन तथा निर्देशनमा फिल्म ‘सिन्दूर’ बन्ने भएको छ । शुक्रबार पश्चिम नेपालको दाङमा शुभ मुहूर्त गर्दै फिल्म निर्माणको घोषणा गरिएको हो । मुहूर्तसँगै फिल्मको छायांकन समेत सुरु गरिएको छ । एक महिनाको तालिकामा दाङ क्षेत्रमा फिल्मको छायांकन हुने जनाइएको छ ।

पछिल्लो समय फिल्म निर्माणमा व्यावसायिक घरानाहरूको आकर्षण बढ्न थालेको छ । शेखर गोल्छा, धीरजकुमार अग्रवाल, नितेश मालपानी, राजेन्द्र शाक्य, दीपक मल्होत्रालगायतका उद्योगीले फिल्म निर्माणमा हात हालिसकेका छन् । अब नेपालको सबैभन्दा ठूलो व्यावसायिक घराना चौधरी ग्रुपका प्रबन्ध निर्देशक निर्वाण चौधरी पनि फिल्म निर्माणमा होमिएका छन् ।