Nepal's No.1 Filmy Web Magazine
२०८१ सालमा ‘बुलाकी’बाट लेखन विधामा राष्ट्रिय अवार्ड जितेका राजबहादुर सानेको लेखन तथा निर्देशनमा बन्न लागेको नयाँ फिल्म ‘गंगा रानी’मा मुख्य अभिनेत्रीको टुंगो लागेको छ । मंगलबार निर्माताले अभिनेत्री वर्षा सिवाकोटीलाई फिल्ममा अनुबन्धित गरेका हुन् । यस फिल्ममा वर्षा रानी पात्रको भूमिकामा देखिने जनाइएको छ ।
गत वर्ष प्रदर्शनमा आएको ‘द ब्लू लाइट’का लेखक तथा निर्देशक बलिराम चौहानले नयाँ फिल्मको घोषणा गरेका छन् । उनले सोमबार सामाजिक सञ्जालमार्फत ‘ल्याङ्ग ल्याङ्ग’ शीर्षकमा फिल्म बनाउन लागेको जानकारी दिएका हुन् । उनले फिल्मको घोषणासँगै थिम पोस्टर पनि सार्वजनिक गरेका छन्, जसले कथावस्तुबारे संकेत गरेको छ ।
बलिउड अभिनेता रणवीर सिंहलाई भारतीय फिल्म उद्योगका प्राविधिकहरूको छाता संगठन ‘पश्चिम भारत चलचित्र कर्मचारी महासंघ’ (एफडब्लूआईसीई)ले प्रतिबन्ध लगाएको छ । सोमबार एक विज्ञप्ति जारी गर्दै यसबारे जानकारी गराइएको हो । केही साताअघि महासंघमा ‘डन ३’का निर्माता तथा निर्देशक फरहान अख्तरले रणवीरविरुद्ध उजुरी दिएका थिए ।
गत शुक्रबार (८ जेठ)बाट प्रदर्शनमा आएको फिल्म ‘काजी’ले दर्शकबाट सकारात्मक प्रतिक्रिया पाइरहँदा सोमबार निर्माण पक्षले असारे गीत सार्वजनिक गरेको छ । लोक शैलीमा आधारित ‘ज्यानको तिर्खालाई’ बोलको गीतमा प्रशान्त सिवाकोटी र रचना रिमालको युगल गायन रहेको छ भने शब्द तथा संगीत गायक सिवाकोटी स्वयंको हो ।
गत जेठ १ गते अभिनेत्री द्वय आँचल शर्मा र सुरक्षा पन्तको फिल्म बक्स अफिसमा ‘क्ल्यास’ भएका थिए । सो दिन रिलिज भएका फिल्महरूमा आँचलको ‘एक मुठ्ठी बादल’ र सुरक्षाको ‘लाइफ ड्यामेज’ रहेका थिए । सोमबार यी दुवै फिल्मको कमाइ विवरण सार्वजनिक भएको छ, जसमा ‘लाइफ ड्यामेज’को ग्रस कमाइ ‘एक मुठ्ठी बादल’को भन्दा ५ गुणाले बढी देखिएको छ ।
अभिनेता हरिवंश आचार्यले युधिष्ठिरको भूमिकामा अभिनय गरेको फिल्म ‘पाँच पाण्डव’को छायांकन सकिएको छ । गत चैत २ गतेबाट सुरु भएको फिल्मको छायांकन ६६ दिनमा पूरा भएको हो । आइतबार काठमाडौंको एक स्टुडियोमा अन्तिम दृश्य खिचेपछि निर्माण टिमले केक काटेर सेलिब्रेट गर्यो । काठमाडौंअघि पूर्वको झापामा फिल्म खिचिएको थियो ।
