Nepal's No.1 Filmy Web Magazine

उच्च अदालत पाटनले फिल्म ‘लालीबजार’को प्रदर्शन रोक्न माग गर्दै परेको रिटमा अन्तरिम आदेश दिन पुनः अस्वीकार गरेको छ । बुधबार भएको सुनुवाइपछि उच्चका न्यायाधीश द्वय टंकप्रसाद गुरुङ र अच्युत कुईंकेलको संयुक्त इजलासले फिल्मका केही शब्द नसुन्ने बनाउन आदेश दिँदै फिल्मलाई निर्बाध रूपमा प्रदर्शन गर्न बाटो खुला गरेको हो । 

फिल्म ‘नाइँ नभन्नू ल ६’बाट अभिनेताको रूपमा डेब्यू गरेका आशीर्वाद क्षेत्रीले गएको ३ वर्षमा फिल्मभन्दा धेरै म्यूजिक भिडियोमा अभिनय गरिसकेका छन् । यो बीचमा उनका दुईवटा फिल्म प्रदर्शनमा आउँदा म्यूजिक भिडियो दुई दर्जनभन्दा बढी रिलिज भइसकेका छन् । यस्तैमा उनी अभिनीत नयाँ गीत ‘नौ डाँडा काटेर’ बुधबार युट्युबमा सार्वजनिक भएको छ ।

नेपालमा कलाकारहरूको मूल्यांकन प्रायः अभिनय क्षमता र स्टारडम (अत्याधिक प्रसिद्धि)को आधारमा हुने गरेको छ । दुवैको आफ्नै विशेषता भए पनि अक्सर चर्चामा स्टारडम भएका कलाकारहरू नै हुन्छन् । अभिनयमा उम्दा मानिने कलाकारहरू भने खासै ‘लाइमलाइट’मा आउन सकेका हुँदैनन् । त्यस्ता कलाकारलाई ‘अन्डरडग’ भन्ने गरिएको छ । 

नेपाल सरकारका सूचना तथा सञ्चारमन्त्री डा. विक्रम तिमिल्सिनाले राष्ट्रिय सभामा उत्पत्ति भएको ‘चलचित्र विधेयक २०८२’माथि विचार गरियोस् भन्ने प्रस्ताव प्रतिनिधि सभाको बैठकमा प्रस्तुत गरेका छन् । उनले प्रस्ताव पेस गरेसँगै राष्ट्रिय स्वतन्त्र पार्टी (रास्वपा)सहितका विभिन्न पार्टीका सांसदहरूले विधेयकको सैद्धान्तिक पक्षमाथि छलफल गरिरहेका छन् । 

यही शुक्रबार (१५ जेठ)बाट प्रदर्शनमा आउन लागेको फिल्म ‘रोल नं १’ले बाल मनोविज्ञानको विषयलाई उठान गरेको छ । परिवारले समाजमा आफ्नो इज्जत र प्रतिष्ठाका लागि सन्तानलाई कक्षामा प्रथम हुन दिने दबाब र त्यसले पार्ने प्रभावलाई फिल्मले मुख्य कथावस्तु बनाएको छ । फिल्मले नेपालको शैक्षिक प्रणालीमाथि समेत व्यंग्य गर्ने ट्रेलरले संकेत दिन्छ ।

‘गाउँ आएको बाटो’का निर्देशक नवीन सुब्बाले फिल्म ‘मितज्यू’ले नेपाली समाजको सोच्ने तरिकामा नै प्रश्न गरेको बताएका छन् । यसै साता काठमाडौंको एक हलमा आयोजित विशेष शोमा फिल्म हेरेपछि सञ्चारकर्मीसँगको कुराकानीमा उनले परिवारबारे नेपाली समाजमा बनेको धारणा र मान्यतालाई प्रश्न गर्दै फिल्मले धेरै चुनौती दिएको बताए ।