Nepal's No.1 Filmy Web Magazine

नयाँ वर्षको छेको पारेर चैत २७ गतेबाट प्रदर्शनमा आएको फिल्म ‘राम नाम सत्य’ले घरेलु बक्स अफिसमा सुखद व्यापार गरेको छ । सोमबार चलचित्र विकास बोर्डले सार्वजनिक गरेको बक्स अफिस विवरणमा फिल्मले ९ दिनमा २ करोड ७९ लाख रुपैयाँ ग्रस कमाएको उल्लेख छ । फिल्मको यो कमाइ ९७ हजार २०५ वटा टिकट बिक्रीबाट भएको हो ।

अभिनेता विजय बरालको मुख्य भूमिका रहेको फिल्म ‘जिरो डिग्री’को छायांकन सकिएको छ । गत चैत १ गते कास्की जिल्लाको अर्मलाकोटबाट सुरु गरिएको फिल्मको छायांकन सोमबार ३७ दिनमा पूरा भएको हो । यस अवधिमा फिल्मलाई अर्मलाकोटसहित धिताल, घार्मी र बगर गाउँमा खिचिएको निर्देशक आकाश बरालले जानकारी दिए ।

अभिनेत्री निरुता सिंहको करिअरको सबैभन्दा यादगार फिल्ममध्ये मानिन्छ, ‘दर्पण छायाँ’ । यो फिल्मपछि उनले आफ्नो करिअर पछाडि फर्केर हेर्नु परेको थिएन । तुलसी घिमिरेको निर्देशनमा बनेको यस फिल्ममा निरुतासँगै उत्तम प्रधान र दीलिप रायमाझीको केमेस्ट्रीलाई दर्शकले निकै रुचाएका थिए । एकपटक फेरि उनीहरूलाई पर्दामा हेर्न ‘दर्पण छायाँ’ पुस्ताका दर्शक अधैर्य छन् । 

गायक रामकृष्ण ढकालले पहिलो पटक निर्माण गरेको फिल्म ‘मालती मंगले’को तेस्रो गीत ‘झ्याम पारम’ सार्वजनिक गरिएको छ । फिल्मका अघिल्ला दुई गीतहरू ‘सुनैको सपनी’ र ‘ढुङ्गा माथि लेऊ’ले दर्शकबाट सकारात्मक प्रतिक्रिया पाइरहेको अवस्थामा निर्माण पक्षले सोमबार लोकलयमा आधारित उक्त गीत सार्वजनिक गरेको हो । 

कालजयी फिल्म ‘दर्पण छायाँ’का जोडी उत्तम प्रधान र निरुता सिंह दुई दशकपछि एकसाथ ठूलो पर्दामा देखिने भएका छन् । यही बुधबारबाट छायांकन सुुरु हुन लागेको फिल्म ‘सारथी’मा उनीहरूको जोडी बाँधिन लागेको हो । सोमबार यो फिल्मको काठमाडौंस्थित भद्रकाली मन्दिरमा शुभ मुहूर्त गर्दै कलाकार तथा प्राविधिकबारे जानकारी गराइयो । 

अभिनेत्री केकी अधिकारीले निर्माण गर्न लागेको फिल्म ‘स्टेशन’को शुभ मुहूर्त गरिएको छ । सोमबार अक्षय तृतीयाको अवसर पारेर ललितपुरस्थित बंगलामुखी मन्दिर परिसरमा मुहूर्त गर्दै फिल्मको औपचारिक रुपमा निर्माण प्रक्रिया सुरु गरियो । मुहूर्तमा केकी र निर्देशक सुरक्षण भारतीले क्यामेरा, स्क्रिप्ट र क्ल्याप पूजा गरेका थिए ।