Nepal's No.1 Filmy Web Magazine

यही शुक्रबार (१५ जेठ)बाट प्रदर्शन हुन लागेको फिल्म ‘रोल नं १’को नयाँ गीत ‘मेरो लागि तिमी’ सार्वजनिक गरिएको छ । चर्चित गीत ‘काँधेकुरी’का गायक प्रशान्त सिवाकोटीको शब्द, संगीत तथा स्वर रहेको यस गीतले सन्तानका लागि आमा-बुबाको साथ र महत्त्व दर्शाएको छ । आमा-बुबा ईश्वर र मन्दिर हुन् भन्ने सन्देश गीतमा समेटिएको छ । 

विश्व प्रतिष्ठित कान्स फिल्म फेस्टिभलमा नेपाली फिल्म ‘एलिफेन्ट्स इन द फग’ले ‘जुरी प्राइज’ अवार्ड जितेको छ । शनिबार बिहान फ्रान्समा आयोजित कान्सको समापन समारोहमा फिल्मले उक्त अवार्ड जितेको हो । अवार्ड ग्रहण गर्न फिल्मका लेखक तथा निर्देशक अविनाश विक्रम शाह नेपालको झण्डा ओढेर स्टेज उक्लिएका थिए ।

‘जात्रा’ समूहको नयाँ फिल्म ‘लालीबजार’ले प्रदर्शनपूर्व ठूलो उतारचढाव भोग्यो । कहिले अदालतमा मुद्धा पर्दा रिलिज नै रोकियो त कहिले ‘खरानी ग्याङ’को फिल्म भन्दै सामाजिक सञ्जालमा बहिष्कारको अभियान समेत चल्यो । यसले फिल्मको व्यापारमा ठूलो असर गर्न सक्ने धेरैको आँकलन थियो । तर, फिल्मको व्यापारिक नतिजा अनुमान विपरित आएको छ । 

टिकटक स्टार तथा अभिनेता पारस बम ठकुरी (कुल ब्वाय) र अभिनेत्री दिव्या रायमाझीको मुख्य भूमिका रहेको फिल्म ‘बेहुली’को छायांकन सकिएको छ । बिहीबार अन्तिम दृश्य खिचिएसँगै ४५ दिनमा फिल्मको छायांकन पूरा भएको हो । फिल्मका दुईवटा गीत भने खिच्न बाँकी राखिएको छ । यो फिल्म भदौ १२ गते प्रदर्शन हुँदैछ । 

दुई साताअघि प्रदर्शनमा आएको फिल्म ‘लालीबजार’ले बक्स अफिस चलायमान बनाइरहेका बेला शुक्रबारबाट दुई प्रतिक्षीत फिल्म ‘मितज्यू’ र ‘काजी’ एकसाथ प्रदर्शनमा आएका छन् । स्थापित कलाकारहरूको अभिनय र प्रचार सामग्रीले दर्शकमा बढाएको उत्साहका कारण यी दुवै फिल्मले सुखद व्यापार गर्ने अपेक्षा गरिएको छ ।

आगामी साउन २२ गतेबाट प्रदर्शनमा आउन लागेको फिल्म ‘कमला मिस’को टिजर सार्वजनिक गरिएको छ । झन्डै दुई मिनेट लम्बाइको टिजरले फिल्मको कथावस्तु प्रस्ट पार्न खोजेको छ । आमाबुबाको मायाबाट बञ्चित एक बालकको मनोविज्ञान र त्यसले उसको जीवनमा पार्ने प्रभावलाई फिल्मले भावनात्मक रूपमा प्रस्तुत गरेको टिजरले संकेत गर्छ ।