Nepal's No.1 Filmy Web Magazine
अभिनेता प्रदीप खड्काले फिल्ममा ‘लभर ब्वाई’को छवि बनाएका छन् । ‘प्रेमगीत’पछि उनले यस्तै चरित्रलाई बढी प्राथमिकता दिए । ‘प्रकाश’बाट भने आफ्नो ‘कम्फर्ट जोन’ त्यागेका उनले यसपछि चरित्रमा विविधता खोज्ने प्रयास गरिरहेका छन् । आगामी फिल्म ‘पूजार सार्की’मा दमाहा बजाउने दमाईको भूमिका निर्वाह गरेका उनी अर्को फिल्म ‘पिताम्बर’मा एक्सन भूमिकामा प्रस्तुत हुँदैछन् ।
नयाँ वर्षको अवसर पारेर यही चैत ३० गतेबाट प्रदर्शनमा आउन लागेको फिल्म ‘द रेड सुटकेस’ देशको सबैभन्दा ठूलो मल्टीप्लेक्स चेन क्यूएफएक्समा नलाग्ने भएको छ । निर्माण कम्पनी आइसफल प्रोडक्सन्सले आइतबार विज्ञप्ति जारी गर्दै क्यूएफएक्सले स्वदेशी र विदेशी फिल्मको चापका कारण उचित शो दिन नसक्ने आसय व्यक्त गरेपछि क्यूएफएक्सबाहेकको हलमा मात्र फिल्म रिलिज हुने जनाएको छ ।
नाटकमा आधारित भएर बनेको फिल्म ‘बोक्सीको घर’को ट्रेलर सार्वजनिक गरिएको छ । आइतबार काठमाडौंका एक कार्यक्रमका बीच सार्वजनिक साढे २ मिनेट लम्बाईको ट्रेलरले बोक्सीमा आरोप लगाइएकी एक महिला पात्रलाई पछ्याउँछ । जसमा अभिनेत्री केकी अधिकारी प्रस्तुत छिन् । ट्रेलरमा उनको चरित्रचित्रण प्रभावशाली देखिन्छ । उनको गेटअप र हाउभाउले डर पैदा गराउँछ ।
आगामी दशैंको फूलपातीमा प्रदर्शन गर्न लागिएको फिल्म ‘बलिदान’को बैशाख अन्तिमबाट छायांकन सुरु गरिँदैछ । त्यसका लागि यतिबेला पूर्वको इटहरीमा सेट डिजाइनको काम सुरु गरिएको छ । निर्देशक तथा निर्माता सन्तोष सेनले फिल्मको कथामा आउने देशकाल र परिस्थितिलाई दुरुस्त झल्काउने लोकेसन खोज्नुपर्ने चुनौतीबीच सेट डिजाइन गर्न लागिएको जानकारी गराएका छन् ।
