Nepal's No.1 Filmy Web Magazine
संविधान दिवसको अवसर पारेर असोज २ गतेबाट प्रदर्शनमा आउन लागेको फिल्म ‘झिँगेदाउ २’को टिजर सार्वजनिक गरिएको छ । बुधबार काठमाडौंमा आयोजित एक कार्यक्रमका बीच निर्माण पक्षले झन्डै २ मिनेट लम्बाइको टिजर दर्शकमाझ ल्याएको हो । टिजरले फिल्मको कथावस्तु र केन्द्रीय द्वन्द्वबारे संक्षिप्तमा प्रकाश पारेको छ ।
फिल्म ‘गौँथली’ले ठूलो व्यावसायिक सफलता हासिल गरेपछि यसका मुख्य अभिनेता अरुण क्षेत्रीको फिल्ममा माग बढ्न थालेको छ । यसैक्रममा मंगलबार उनी नयाँ फिल्ममा भित्रिएका छन् । मिलन चाम्सको निर्देशनमा बन्न लागेको फिल्म ‘म मदनकृष्ण’मा उनी अनुबन्धित भएका हुन् । फिल्ममा उनले कलाकार हरिवंश आचार्यको भूमिकामा अभिनय गर्नेछन् ।
‘गजनी’का चर्चित भिलेन प्रदीप रावतले मंगलबार साँझ उपचारका क्रममा अन्तिम सास लिए । ५ वर्षदेखि ब्लड क्यान्सरसँग जुधिरहेका उनी केही सातादेखि मुम्बईस्थित कोकिलाबेन अस्पतालमा उपचाररत थिए । उनको निधनको खबरले यतिबेला बलिउड शोकमा डुबेको छ । भारतीय कलाकारहरूले उनीप्रति सामाजिक सञ्जालमार्फत श्रद्धाञ्जली अर्पण गरिरहेका छन् ।
भारतका चर्चित कलाकार प्रदीप रावतको निधन भएको छ । भारतीय कलाकार यशपाल शर्माले सामाजिक सञ्जालमार्फत उनको निधनको पुष्टि गरेका हुन् । अभिनेत्री रोशनी आचरेजाले पनि एनडीटीभीसँग कुराकानी गर्दै प्रदीप रावतको निधन भएको जानकारी दिइन् । उनको निधनबारे भारतीय सञ्चारमाध्यमहरूले पनि समाचार प्रकाशित गरेका छन् ।
संविधान दिवसको अवसर पारेर असोज २ गतेबाट प्रदर्शनमा आउन लागेको फिल्म ‘कार्की साइँला’को पहिलो गीत ‘लग्यौ परान’ सार्वजनिक गरिएको छ । मंगलबार काठमाडौंमा आयोजित एक कार्यक्रमका बीच श्रेय अगस्ती र बेनिशा पौडेलको स्वरमा रहेको लोक शैलीको गीत दर्शकमाझ ल्याइएको हो । गीतमा विष्णु नेपालीको शब्द तथा संकेत अगस्तीको संगीत रहेको छ ।
‘अधकट्टी’ र ‘सुश्री सम्पत्ति’का निर्देशक सुब्रत आचार्य ८ वर्षपछि फिल्म निर्देशनमा फर्किने भएका छन् । उनले तेस्रो फिल्मको रूपमा ‘पच्चीस पच्चीस’ बनाउन लागेका हुन् । सोमबार काठमाडौंमा आयोजित एक कार्यक्रमका बीच फिल्म निर्माणको औपचारिक घोषणा गरियो । कार्यक्रममा फिल्मका मुख्य कलाकारहरूलाई पनि चिनाइएको थियो ।
