Nepal's No.1 Filmy Web Magazine

अभिनेता निखिल उप्रेतिले बीबी फुयाँलको निर्देशनमा बन्ने फिल्म फिल्ममा पत्नी संचितासँगै जोडी बनाउने खबर बाहिरिएको थियो तर सुटिङ सुरु हुने बेलामा निखिलले सञ्चिता दुवैले फिल्म छाडेको खबर बाहिरिएको छ ।

यस्तो लाग्दैछ, रणवीर कपुरसँग सम्बन्ध राख्दा बलिउडकी चर्चित अभिनेत्री कट्रिना कैफलाई समस्या पर्न थालेको छ । रणवीरले आफ्नै निर्माणमा बनाइरहेको पहिलो फिल्म ‘जग्गा जासुस’को छायांकन सुरु भएको २ बर्ष भैसकेको छ । तर, अझै यो फिल्मको छायांकन सकिएको छैन । यो फिल्ममा रणवीरकी प्रेमिका कट्रिना कैफ मुख्य भूमिकामा छिन् । फिल्मको छायांकन नसकिएकाले प्रदर्शन मिति पनि बारम्बार सारिएको छ । यसैले कट्रिना समस्यामा परेकी छिन् ।

नेपाली फिल्म नरेको पोखरामा स्पेशल स्क्रिनिङ भएको छ । शनिबार साँझ पोखरामा भएको स्क्रिनिङमा फिल्म र संचारक्षेत्रका व्यक्तित्वहरुको सहभागिता रह्यो । पहिलोपटक पोखरामा भएको स्क्रिनिङ पनि फिल्म उत्कृष्ट बनेको प्रतिक्रिया सहभागीहरुले दिए ।

बलिउड अभिनेता अमिर खान र सलमानको मित्रताका बारेमा त दुनियाँलाई थाहा छ । सलमान र शाहरुखको झगडा पर्दा आमिरले सलमानको पक्षमा लागेर शाहरुखको मान मर्दन गर्न कुनै कसुर छाडेका थिएनन् । त्यसैले आमिरको फिल्म रिलिज हुँदा सलमानले प्रमोट गर्ने र सलमानको फिल्म रिलिज हुँदा आमिरले प्रमोट गर्ने सिलसिला पूरानै हो ।

नेपालीमा एउटा चर्चित उखान छ ,‘नानी पाउनु कैले कैले कोक्रो बन्नु अहिले’ । उखानको अर्थ हो काम सुरु गरेपछि मात्र यसका बारेमा गफ गरेको राम्रो । यही उखान आजभोलि हाम्रो फिल्म उद्योगसँग दुरुस्त मेल खान जान्छ । आजभोलि निर्माताहरु फिल्मको नाम राख्न पाएको छैन रिलिज डेट घोषणा गर्न तम्सन्छन् ।  यस्तो लाग्छ नेपाली फिल्मका निर्माताहरुलाई फिल्म बनाउन भन्दा पनि चलाउन हतारो छ । परिणाम निस्कन्छ  – फिल्म फ्लप  निर्माता गायब ।

भुकम्पको समयमा पशुपति आर्यघाटमा पुगेर केही मृतकको शव जलाउन सहयोग गरिरहेकी अभिनेत्री रेखा थापा यसपछि एकाएक अमेरिका हानिइन् । रेखा अमेरिका हानिनुको मुख्य कारण उनले रामेछापमा पक्की घर बनाउन राहत ल्याउनु थियो । रेखा अमेरिका हानिएपछि उनले संचालन गर्दै आएको रेखा थापा फाउन्डेशन महासचिव सविर श्रेष्ठले चलाइरहेका छन् । उनकै हातबाट केही फिल्मीकर्मी र केही पत्रकारलाई राहत पनि वितरण गरिएको थियो ।