Nepal's No.1 Filmy Web Magazine
पछिल्लो समय फिल्ममा अभिनयको लागि कलाकारलाई अडिसनबाट छान्ने प्रचलन नेपालमा पनि बाक्लिँदै छ । यसरी कलाकार छनौट गर्दा उत्कृष्ट कलाकार छान्न सकिने भएपछि फिल्म निर्माण यूनिटहरु यसतर्फ आकर्षित भएका हुन् । पछिल्लो पटक विकास आचार्यले निर्देशन गर्ने फिल्म ‘नाई नभन्नु ल ४’ले पनि अडिसनमार्फत मुख्य कलाकारहरु छनौट गरेको थियो ।
अहिले नेपाली फिल्मका कलाकार फेसबुकका लागि फिल्म खेल्छन् या दर्शकका लागि, वुझ्नै गाह्रो छ । झन्, कम मात्र फिल्म अफर आउने कलाकारलाई त एउटा फिल्म खेल्दा खुबै हुन्छ । उनीहरु दैनिकजसो सामाजिक संजालमा तस्बिर पोष्ट गर्छन् र आफूले फिल्म खेलिरहेको जानकारी गराउछन् । आफ्नो फिल्म भित्रको गेटअप, भूमिका सबै उनीहरु सामाजिक संजालबाट नै सार्वजनिक गरिदिन्छन् ।
फिल्म ‘कबड्डी कबड्डी’को ट्रेलर सार्वजनिक भएको छ । सोमबार मण्डला थिएटरमा एक कार्यक्रमका बीच ट्रेलर सार्वजनिक गरिएको हो । ट्रेलर सार्वजनिक कार्यक्रममा बोल्दै निर्देशक , निर्माता र अभिनेता सबैले फिल्म पहिलो भाग भन्दा हरेक अर्थमा अब्बल रहेको दाबी गरे ।‘पहिलो भागको स्वाद मर्न दिएका छैनौं । दोस्रो भाग झन् रमाईलो बनाएका छौं,’ कार्यक्रममा निर्देशक रामबाबु गुरुङले भने ।
‘हाइवे टु धम्पुस’ रिलिजका लागि अमेरिकामा रहेका अभिनेता राजबल्लभ कोइराला नेपाल आएका छन् । आगामी असोज ८ देखि नेपालका हलमा प्रदर्शन हुने फिल्मको प्रवद्र्धनका लागि उनी नेपाल आइपुगेका हुन् । अभिनेता कोइरालासहित फिल्म युनिटले सोमबार ‘हाइवे टु धम्पुस’को नेपाल रिजिलबारे औपचारिक जानकारी गरायो ।
‘तपाई हाम्रो बारेमा सोच्दै हुनुहुन्छ, हामी देशको बारेमा सोच्दै छौ’ । यो संवाद फिल्म ‘चंखे शंखे पंखे’को हो । देशको परिस्थिती र यूवाहरुमा मौलाउँदै गएको दिकदारीको कथालाई यसले उठान गरेको छ ।यो फिल्म असोज ८ गतेबाट चल्दैछ । तर, असोज ३ अर्थात आज नेपालमा नयाँ संविधान जारी भएको छ र नेताहरुले जनताको स्यावासी पाइरहेका छन् । यो मेसोमा असोज ८ गतेबाट चल्ने फिल्म ‘चंखे शंखे पंखे’लाई लिएर विभिन्न खालका अड्कल काट्न थालिएको छ ।
नेपाली फिल्मको माहोल तात्न थालेको छ । अहिले फिल्मका प्रदर्शन र छायांकनको गति एकाएक बढेको छ ।असोज १ गते विश्वकर्मा पुजा पारेर ३ फिल्मले छायांकन आरम्भ गरेका छन् । जसमा अभिनेत्री रेखा थापाको निर्माणमा बन्न लागेको फिल्म ‘रामप्यारी’, राजु गिरीको फिल्म ‘डिल्लीराम’ र श्रीराम दाहालको ‘लुकामारी’ रहेका छन् ।
