Nepal's No.1 Filmy Web Magazine
सरकारी नजर नपुगेको सिन्धुपाल्चोकको टौथली गाविसबाट गोपिकृष्ण मुभिज समूहले भुकम्प प्रभावितका लागि सहयोगको थालनी गरेको छ । गोपिकृष्ण समूहले शुक्रबार राजमार्गबाट ४० किलोमिटर पर रहेको बिकट टौथली गाविसका भुकम्प पीडितका लागि त्रिपाल तथा खानेकुराहरु सहयोग गरेको हो ।
हल नेदरल्याण्डमा रहेका अभिनेता राजेश हमालले त्यहीबाट नेपालको भुकम्प पीडितका लागि राहत संकलन थालेका छन् । नेदरल्याण्डको आम्र्सटरडममा रहेका हमालले शनिबार बिहानदेखि उक्त अभियान थालेका हुन् ।
अभिनेता सरोज खनालले आफू सम्बन्ध रहेको खनाल पोल्टी फार्म र नेपाल अन्डा उत्पादक संघसंग मिलेर भूकम्प पीडित विरामीका लागि १० लाख नगद र २० हजार अण्डा बाँड्ने घोषणा गरेका छन् ।
चलचित्र बिकास बोर्डको पहलमा बिहीबार बसेको फिल्म क्षेत्रसँग सम्बन्धित संस्थाहरुको बैठकले शक्तिशाली भूकम्पले ल्याएको विपत्ती र पुनः हुन सक्ने क्षतिलाई मध्यनजर गर्दै आगामी १५ दिन सम्मका लागि फिल्मको छायाँकन बन्द गर्ने र भूकम्पग्रस्त क्षेत्रमा फिल्म सम्बन्धी सम्पूर्ण कार्य बन्द गर्ने निर्णय गरेको छ ।
आफ्नो स्वास्थ्य परीक्षण एवं 'कोहिनूर' प्रर्दशनका लागि अमेरिका पुगेकी अभिनेत्री स्वेता खड्काले अमेरिकामा हुन गईरहेको फिल्मको शोबाट उठ्ने सम्पूर्ण रकम भूकम्प पीडितका लागि दिने घोषणा गरेकी छिन् ।
वैशाख १२ गते आएको भूकम्पका कारण नेपाली फिल्म क्षेत्र पनि पूर्ण रुपमा प्रभावित भएको छ । प्रदर्शनमा आइरहेका फिल्म अनिश्चितकालका लागि सरेका छन् भने तत्काल फिल्म सम्बन्धी गतिविधी शुन्य हुने देखिएको छ ।
