Nepal's No.1 Filmy Web Magazine
‘नाई नभन्नु ल’ को शिर्ष गीत गाएर चर्चा कमाएकी गायिका रजिना रिमालले बिहे गरेकी छिन् । रजिनाको बिहेको चर्चा फिल्म बजारमा सुनिएको थिएन । उनले फिल्मीकर्मीलाई नबोलाई सुटुक्क बिहे गरेकी हुन् । उनले काठमाण्डौका विनोद श्रेष्ठसँग घरजम गरेकी हुन् ।
भूकम्पका कारण जेठ १ गते रिलिज हुन नसकेको फिल्म 'कामचोर'को शिर्ष गीत रिलिज गरिएको छ । प्रदर्शनको मिती तय नगरिएको यो फिल्मको गीतले युवाहरुको वर्तमान अवस्थालाई व्यङ्य गरेको छ ।
मलेसियामा भएको आइफा अवार्डमा फेरि एक पटक साहिद कपुर र कंगना रनावतले बाजी मारेका छन् । यसअघिका सबै अवार्डमा अभिनेता र अभिनेत्रीको अवार्ड जितेको जोडीले आइफामा पनि सोही क्रम दोहोर्याएको हो । साहिदले फिल्म ‘हैदर’का लागि उत्कृष्ट अभिनेताको अवार्ड जिते भने कंगनाले फिल्म ‘क्विन’ लागि उत्कृष्ट अभिनेत्रीको अवार्ड जितिन् । कंगनाको फिल्म उत्कृष्ट फिल्ममा पनि दरियो ।
हलिउड स्टार ज्याकी चेन नेपाल आएका छन् । उनी आज मध्यान्नमा काठमाण्डौ विमानस्थलमा ओर्लिएका थिए । यसपछि उनी सोझै काठमाण्डौको सोल्टी होटलमा पुगेका थिए । सोल्टी होटलमा पुगेर केही समय आराम गरेका ज्याकीले भुकम्प पीडितलाई भेट्ने कार्यक्रम छ । यसका लागि उनी ललितपुर जानेछन् ।
अभिनेता राजेश हमालको आज जन्मदिन परेको छ । अभिनेता हमाल आजबाट ५१ बर्षमा प्रवेश गरेका छन् । फेसबुकमा पनि उनी ५१ बर्षमा लागेको देखिएको छ । अभिनेता हमालले आफ्नो जन्मदिनमा कुनै न कुनै सामाजिक कार्य गर्दै आएका छन् ।
नयाँ नेपाली फिल्म नचलेपछि अहिले हलवालाहरु छटपटिएका छन् । पुराना फिल्म हेर्न दर्शक नआउने भएकाले पनि हलवालाहरुको व्यापार शुन्य जस्तै छ । यसैले अब जेठ २९ गतेबाट हलमा विराज भट्टको भोजपुरी फिल्मलाई नेपालमा चलाउने तयारी गरिएको छ । ‘कुन्डली’ नामक फिल्मलाई नेपाली भाषामा डब गरेर हलमा ल्याउने तयारी भएको हो ।
