ज्यादाजसो समय बलिउड अभिनेत्रीहरु एक अर्काको कुरा काट्न व्यस्त हुन्छन् । फिल्म हिट हुँदा आरिस गर्ने र फ्लप हुँदा खुच्चिङ गर्नमा माहिर नै छन् । तर ‘रज्जो’ उर्फ सोनाक्षी सिन्हा भने राम्रो काम गर्ने अभिनेत्रीको प्रशंसा गर्न पनि पछि पर्दिनन् । हालसालै पनि उनले एक कुराकानीमा आफूलाई कंगना रनावत प्रतिभाशाली लाग्ने बताइन् ।
एक च्याट शोमा कुराकानी गर्दै उनले कंगनाका फिल्म र व्यक्तित्व दुवै मनपर्ने बताइन् । त्यसैगरी सोनाक्षीले कंगना पछि आलिया भट्ट प्रतिभाशाली लाग्ने रहस्य उद्घाटन गरिन् । सोनाक्षी सिन्हाको सन् २०१५मा कुनै पनि फिल्म रिलिज भएनन् । उनले सन् २०१६मा रिलिज हुने फिल्म ‘अकिरा’ आफ्ना लागि पनि प्रतिक्षित फिल्म रहेको उनको दाबी थियो ।
‘अकिरा’मा उनलाई गम्भिर भूमिकामा देख्न सकिनेछ । यसअघि सोनाक्षीले गम्भिर भूमिकामा अभिनय गरेको ‘लुटेरा’ धेरैले मन पराएका थिए ।
