Nepal's No.1 Filmy Web Magazine
वैशाखदेखि साउनसम्म चुपचाप बसेका फिल्मकर्मी भदौबाट भने जुरमुराउने भएका छन् । ४ महिना रोकिएका फिल्म भदौबाट प्रदर्शनमा आउँदा चाप बढ्ने खतरा बढेको छ । जसको प्रत्यक्ष उदाहरण भदौमा प्रदर्शनमा आउन लागेका ठूला फिल्म देखिनेछन् ।
निखिल उप्रेतिको कमब्याक गराउने मानिएको फिल्म ‘भैरब’को ट्रेलर सार्वजनिक भएको छ । निर्माण टोलीले बिहीबार साँझ फिल्मको ट्रेलर सार्वजनिक गरेको हो । सार्वजनिक ट्रेलरमा निखिललाई आफ्नो छवि अनुरुप एक्सन गरिरहेका दृश्यलाई समावेश गरिएको छ । र सार्वजनिक ट्रेलरमा साउथका फिल्मको झल्को देख्न सकिन्छ ।ट्रेलर हेर्दा निखिलको फिल्ममा दर्शकले खोज्ने खुराक प्रशस्त रहेको अनुमान गर्न सकिन्छ ।
फिल्म ‘लबसब’ले पनि रिलिज मिति घोषणा गरेको छ । फिल्मले भदौ २५ लाई रिलिज मिति घोषणा गरेको हो । यसअघि सोही मितिमा करिष्मा मानन्धरको ‘फागु’ र ‘गोपीकृष्ण फिल्मस्को ‘होमवर्क’ आउने हल्ला चलेका भएपनि दुवैले औपचारिक घोषणा गरेका थिएनन् ।
स्वर्गिय अभिनेता श्रीकृष्ण श्रेष्ठको अन्तिम फिल्म ‘कोहिनूर’ले एनएफडीसी राष्ट्रिय फिल्म पुरस्कारमा सहभागी नहुने बताएको छ । निर्माता चन्द्र शर्माले विज्ञप्ती जारी गरेरै आयोजकसँग सहमती गरेर अवार्डबाट बाहिरिएको बताएका हुन् ।
अभिनेता भूवन केसीले पोखराको पिसफुल होटलमा ५ लाख बराबरको बिल नतिरको भन्ने समाचारको खण्डन गरेका छन् । उनले यस्ता समाचार झुटा र कपोलकल्पित भएको बताए ।
भूवनले आफू विदेश नगइ नेपाली फिल्मकै सेवामा लागेको बताए । तर, यस्तो समाचारले आफूमा निराशा बढेको र यसले राम्रो फिल्म बनाउन पनि असर गर्ने बताए ।
भूकम्पपछि विभिन्न देशमा पीडितहरुका लागि भन्दै च्यारेटी कार्यक्रम भैरहेका छन् । जसका कारण नेपाली कलाकारको व्यस्तता बढेको छ । ‘नेपाल निड आवर सपोर्ट’ भन्ने मुल नाराका साथ आइतबारबाट यूरोपका विभिन्न देशमा आयोजना हुन लागेको कार्यक्रममा सहभागी हुन अभिनेत्री अशिष्मा नकर्मी पनि युरोप जान लागेकी छिन् ।
