Nepal's No.1 Filmy Web Magazine
असार र साउनमा फिल्म हलमा चलाउने निर्मातालाई ६० प्रतिशत शेयर दिने बताएको चलचित्र संघ असारमै टुटेको छ । निर्माताले भदौ अगाडि फिल्म रिलिज नगर्दा हल व्यवसाय नै समस्यामा परेको भन्दै प्रोत्साहनका लागि ६० प्रतिशत शेयर दिने बताइएको थियो ।
फिल्म नगरीमा खासै चर्चा बटुल्न नसकेपछि अभिनेत्री विनिता घिमिरे अहिले यो क्षेत्रभन्दा टाढा छिन् । उनले आफू विदेशमा रहेको बताएपनि अन्य कुरा खुलाएकी छैनन् । विनिता नहुँदा अर्की अभिनेत्री सविना कार्कीलाई भने दौडधुप नै परेको छ ।
नेपाली फिल्मका लागि अब अभिनेता आर्यन सिग्देल र जीवन लुइटेलले यो फिल्ममा काम गरे, गर्दैछन् भन्ने कुरा खासै नौलो भएन । कारण बर्षमा निर्माण हुने करिब २ दर्जन फिल्ममा यी दुइ नै देखिने पक्का जस्तै हो । अभिनेताको अभाव हुँदै गर्दा जीवन र आर्यनमा फिल्मको चाप बढ्नु स्वभाविक पनि हो ।
फिल्म ‘नाइँ नभन्नू ल ३’ले एचआइभी संक्रमित बालबालिकालाई एक लाख रुपैयाँ प्रदान गरेको छ । फिल्मले न्यानोपन हङकङको नेतृत्वमा गत मे २५ मा भएको शोबाट उठेको मध्ये शनिबार एक लाख रुपैयाँ कीर्तिपुरस्थित सफलता एचआइभी शिक्षा सदनलाई प्रदान गरेको हो ।
फिल्म ‘सपना तिम्रो मेरो’का निर्माताले ठूलै आट गरेका छन् । चलचित्र संघले निर्मातालाई असार र साउनमा फिल्म चलाएको खण्डमा ५० प्रतिशत शेयर दिने भन्दै फिल्म चलाउन प्रोत्साहित गरेपनि निर्माता तातेका थिएनन् । तर, फिल्म ‘सपना तिम्रो मेरो’का निर्माताले भने साउन २२ गते नै फिल्म चलाएर जोखिम मोलेका छन् ।
सलमान र शाहरुख खान फेरि एक पटक बक्स अफिसमा भिड्ने भएका छन् । यसअघि सन् २००६ मा भिडेका दुवै कलाकार आउँदो वर्षको इदका लागि भिडन्त गर्ने भएका हुन् । निर्माण कम्पनी यशराज फिल्मस् र एक्सेल इन्टरटेनमेन्टले दुवै स्टारका फिल्म एकै डेटमा रिलिज गर्ने अड्डी कसेपछि दुवैको भिडन्त पक्का भएको हो ।
