Nepal's No.1 Filmy Web Magazine
कीर्तिमानी फिल्म ‘पूर्ण बहादुरको सारङ्गी’को ‘रैया चाँदीको’ बोलको गीत धेरैलाई स्मरणमै होला । लोकलयमा आधारित यो गीतको भिडियोमा युवायुवतीहरू साँझको समयमा एउटा घरको आँगनमा रोधी बसेको देखाइएको थियो । त्यही माहोलको झल्को दिने गरी सोही फिल्मका निर्माताको नयाँ फिल्म ‘रोल नं १’मा एउटा गीत समावेश गरिएको छ । त्यो गीत हो, ‘म्याग्दी रुमाले’ ।
सहारा शर्माको लेखन तथा निर्देशनमा बनेको फिल्म ‘एक मुठ्ठी बादल’को ‘रेल घुम्यो घुम्तीमा’ गीतले दर्शकबाट सकारात्मक प्रतिक्रिया पाइरहँदा शुक्रबार नयाँ गीत ‘पल्लो घर’ युट्युबमार्फत सार्वजनिक गरिएको छ । यस गीतमा श्रेया राईको शब्द, संगीत तथा स्वर सुन्न सकिन्छ । ‘द भ्वाइस अफ नेपाल सिजन १’की फाइनलिस्ट रहेकी श्रेयाको पार्श्व गायनमा यो डेब्यू हो ।
अभिनेत्री शिल्पा मास्के विवाह बन्धनमा बाँधिएकी छन् । उनले बिहीबार प्रेमी तथा ट्याटु आर्टिस्ट फ्लावर केसीसँग लगनगाँठो कसेकी हुन् । उनीहरूको विवाह हिमालपारिको जिल्ला भनेर चिनिने मुस्ताङमा भएको हो । कोबाङ गाउँमा अवस्थित लज थासाङ भिलेजमा भएको विवाह समारोहमा दुई पक्षका सीमित पारिवारिक सदस्यहरूको मात्र उपस्थिति रहेको थियो ।
गएको दुई सातामा फिल्म ‘लालीबजार’ले ठूलो उतारचढाव भोग्यो । यो बीचमा फिल्मविरुद्ध मुद्धा पर्यो । उच्च अदालत पाटनले प्रदर्शन रोक्न अल्पकालीन अन्तरिम आदेश जारी गर्यो । एकपटक पेशी सर्यो । सडकमा फिल्मका कलाकारहरूले अभिव्यक्ति स्वतन्त्रताको पक्षमा मौन प्रदर्शन समेत गरे । अन्ततः बुधबार अदालतले फिल्म प्रदर्शनको बाटो खुला गर्यो ।
भोलि शुक्रबार (२५ वैशाख)बाट प्रदर्शनमा आउन लागेको फिल्म ‘मालती मंगले’लाई प्रिमियरमा सकारात्मक प्रतिक्रिया मिलेको छ । बुधबार ललितपुरस्थित लबिम मलको क्यूएफएक्स हलमा आयोजित प्रिमियर शोमा उपस्थित विभिन्न क्षेत्रका व्यक्तिहरूले फिल्मको कथावस्तुदेखि कलाकारहरूको अभिनयसम्मको मुक्तकण्ठले प्रशंसा गरे ।
