Nepal's No.1 Filmy Web Magazine
कलाकार केदार घिमिरे (माग्ने बुढा)ले पहिलो पटक मुख्य भूमिकामा अभिनय गरेको फिल्म ‘माग्ने राजा’ यही भदौ ६ गतेबाट नेपालसँगै अष्ट्रेलियामा पनि एकैपटक प्रदर्शन हुने भएको छ । अष्ट्रेलियाका २५ बढी हलमा एक सयभन्दा धेरै शोसहित फिल्मको प्रदर्शन तय भएको वितरक कम्पनी थ्रिकेजी इभेन्ट र दृश्य इन्टरटेनमेन्टले जनाएका छन् ।
कलाकार विल्सन विक्रम राई (तक्मे बुढा)को पहिलो निर्देशकीय फिल्म ‘मैझारो’मा अभिनेता दयाहाङ राईको प्रवेश भएको छ । छायांकनको अन्तिम चरणमा फिल्ममा जोडिएका उनको मंगलबारबाट दृश्य खिच्न थालिएको छ ।
अभिनेता तथा निर्देशक निखिल उप्रेती आफ्नो स्वप्न प्रोजेक्ट ‘आचार्य’को छायांकनका लागि भारत प्रस्थान गरेका छन् । मंगलबार निखिलसहित फिल्मकी निर्मात्री सञ्चिता लुइँटेल, अभिनेत्री पूर्णिका सिंजापती, छायाँकार मनु बिके र कलाकार तथा मुख्य सहायक निर्देशक सयनम अधिकारी काठमाडौंबाट पश्चिम बंगाल प्रस्थान गरेका हुन् ।
कीर्तिमानी फिल्म ‘पूर्णबहादुरको सारङ्गी’का निर्देशक सरोज पौडेलको नयाँ फिल्म ‘कोशेढुङ्गा’को मर्मस्पर्शी ट्रेलर सार्वजनिक गरिएको छ । फिल्म रिलिज हुनुभन्दा ९ दिनअघि सार्वजनिक साढे ३ मिनेटभन्दा लामो ट्रेलरले सम्बन्धको कथामा फिल्म बनेको प्रष्ट पार्छ । अभिनेत्री सुरक्षा पन्तलाई केन्द्रमा राखिएको ट्रेलरमा उनको अभिनय सशक्त देखिन्छ ।
चर्चित हास्य कलाकार मरिचमान श्रेष्ठ (बल्छी धुर्बे)ले आफ्नो निर्देशनमा बन्न लागेको पहिलो फिल्म ‘गोबर गणेश’को छायांकन सुरु गरेका छन् । मंगलबार बिहान नयाँ बसपार्कको म्हेपी मन्दिरमा मुहूर्त पूजा गरेपछि सुरु भएको फिल्मको छायांकन काठमाडौं र पोखरामा ३५ दिनसम्म चल्ने उनले जानकारी दिए ।
आफ्नो अद्वितीय कथावाचन शैलीका कारण युवा पुस्तामाझ लोकप्रिय साइग्रेस पोखरेललाई अब फिल्ममा देख्न पाइने भएको छ । उनले फिल्म ‘आ बाट आमा’बाट अभिनय करिअर सुरु गर्न लागेका हुन् । उनलाई निर्माण पक्षले यसै साता फिल्ममा अनुबन्धित गरेको हो । उनको प्रवेशसँगै फिल्ममा मुख्य कलाकारको लाइनअप पूरा भएको छ ।
