Nepal's No.1 Filmy Web Magazine

असार र साउनमा फिल्म रिलिजको चाप निकै न्यून रह्यो । यो दुई महिनामा जम्मा चार फिल्म रिलिज भए । भदौमा भने फिल्म रिलिजको चाप ठूलो छ । यो महिना आठवटा फिल्म आउँदैछन् । त्यसमध्येका तीन फिल्म ‘माग्ने राजा’, ‘जनै हराएको मान्छे’ र ‘ताराहरू’ शुक्रबारदेखि प्रदर्शनमा आएका छन् । फरक विधा र स्वादका यी तीन फिल्ममा स्थापित कलाकारहरूको अभिनय छ ।

फिल्म ‘ऊनको स्वीटर’को चर्चित गीत ‘काफ्ले’की गायिका झुमा लिम्बूले पहिलो पटक आफ्नो ब्यान्डसहित सांगीतिक कन्सर्ट गर्ने भएकी छन् । उनले बिहीबार काठमाडौंमा पत्रकार सम्मेलन गर्दै ‘रैथाने घुमफिर २०८२ नेपाल टूर’ आयोजना हुन लागेको जानकारी गराइन् । उनका अनुसार काठमाडौंसहित देशका १० सहरमा कन्सर्ट हुनेछ । 

यही शुक्रबार (भदौ ६ गते)बाट प्रदर्शनमा आउन लागेको फिल्म ‘जनै हराएको मान्छे : सम्बन्धका धागाहरू’को प्रिमियर आँसुमय बनेको छ । बुधबार साँझ काठमाडौंको नयाँ बानेश्वरस्थित ‘वान् सिनेमाज्’को दुईवटा अडिटोरियम ‘बुक’ गरेर आयोजना गरिएको प्रिमियरमा फिल्मका कलाकारदेखि आमन्त्रित अतिथिहरूसम्म क्लाइमेक्सको दृश्यले हलभित्रै भक्कानिएर रोएका थिए । 

‘रोमान्टिक हिरो’को रुपमा परिचित जीवन लुईँटेल ७ वर्षपछि फिल्म अभिनयमा फर्किने भएका छन् । फिल्मसम्बन्धी अध्यापन गराउँदै आएको कान्तिपुर फिल्म एकेडेमीले निर्माण गर्न लागेको नयाँ फिल्म ‘सकम्बरी’बाट उनको पुनरागमन तय भएको हो । बुधबार उनले फिल्म सम्झौता गरेका हुन् । उनीसँगै फिल्ममा अभिनेता अर्पण थापाको पनि प्रवेश भएको छ । 

घोषणाको बेलादेखि नै नामका कारण चर्चामा रहेको फिल्म हो, ‘जनै हराएको मान्छे’ । पहिला फिल्मको नाममा ‘बाहुन’ शब्द थियो । छायांकन सकिएपछि त्यो शब्द हटाएर ‘मान्छे’ राखियो । हिन्दु धर्मसँग सम्बन्धित केही संस्थाले अनावश्यक दबाब दिन थालेपछि निर्माण पक्ष नाम परिवर्तन बाध्य भएको थियो । तर, नाममा ‘जनै’ शब्द रहेकाले यो धार्मिक फिल्म हुनसक्ने धेरैको अनुमान छ ।