Nepal's No.1 Filmy Web Magazine
नयाँ छिमलकी चर्चित अभिनेत्री स्वस्तिमा खड्काको फिल्म करिअरले एक दशक पूरा गरेको छ । २०७२ सालको भदौमा प्रदर्शन भएको फिल्म ‘होस्टेल रिटर्न्स’बाट अभिनय करिअर सुरु गरेकी उनले १० वर्षको अवधिमा आफूलाई अब्बल कोटीको अभिनेत्रीको रुपमा स्थापित गरिसकेकी छन् । पछिल्लो समय उनलाई ‘नम्बर वान अभिनेत्री’ समेत भन्न थालिएको छ ।
यसपालिको दशैंको फूलपाती (१३ असोज)बाट प्रदर्शनमा आउन लागेको फिल्म ‘हरिबहादुरको जुत्ता’को पहिलो गीत ‘बेला बितेसी’ सार्वजनिक गरिएको छ । लोकलयमा आधारित गीतमा प्रकाश सपूत र समीक्षा अधिकारीको स्वर रहेको छ भने प्रकाश स्वयंको शब्द तथा संगीत छ । गीतमा प्रकाशले आफ्नै मौलिकपन पस्किन खोजेका छन् ।
कथाकार गुरुप्रसाद मैनालीको चर्चित कथा ‘परालको आगो’मा आधारित फिल्मको वर्कसप आइतबारबाट सुरु भएको छ । लक्ष्मण सुनारको निर्देशनमा बन्ने फिल्मको वर्कसपमा कलाकारहरू सौगात मल्ल, प्रकाश सपूत, सुहाना थापा, सिर्जना अधिकारी, शंकर आचार्य, किशोर भण्डारी, कुलदीप अधिकारी, सरु भण्डारी र रेणु न्यौपाने सहभागी छन् ।
फिल्मी दुनियाँमा कलाकारको प्रेम र ब्रेकअप सामान्य मानिन्छ । यतिबेला अभिनेता सलिनमान बनियाँको ब्रेकअप र नयाँ प्रेम सम्बन्धको चर्चा चलिरहेको छ । ‘ए मेरो हजुर २’बाट फिल्ममा डेब्यु गर्नुभन्दा अगावैदेखि उनी प्रोफेसनल मेकअप आर्टिस्ट अस्प्रिना जिन्हा श्रेष्ठसँग प्रेम सम्बन्धमा थिए । उनीहरू चाँडै विवाह गर्ने मनस्थितिमा समेत थिए । तर, अब उनीहरूको ब्रेकअप भएको छ ।
अभिनेत्री निरुता सिंह करिब ६ वर्षपछि फिल्ममा फर्किएकी छन् । पछिल्लो पटक ‘दाल भारत तरकारी’मा देखिएकी उनले नयाँ फिल्म ‘३६ को आँकडा’मार्फत अभिनयमा पुनरागमन गरेकी हुन् । फिल्मको छायांकनका लागि आइतबार साँझ भारतको मुम्बईबाट काठमाडौं आएकी उनलाई त्रिभुवन विमानस्थलमा निर्देशक सविर श्रेष्ठले स्वागत गरेका थिए ।
भनिन्छ, फिल्म सफल भएपछि त्यसमा अभिनय गर्ने कलाकारको करिअर चम्किन्छ । तर, अभिनेत्री क्रिस्टिना गुरुङको हकमा भने फरक रह्यो । उनको डेब्यु नै हिट फिल्म ‘प्रेमगीत ३’बाट भएको थियो । यसमा उनको अभिनयको आलोचना भए पनि फिल्मको सफलताले गर्दा उनलाई मेकरहरूले खोज्न थालेका थिए । तर, जसै फिल्म हलमा रिलिज भयो, उनी एकाएक गुमनामजस्तै भइन् ।
