Nepal's No.1 Filmy Web Magazine

डिजिटल युगको आरम्भसँगै नेपाली फिल्मका लागि हलमा प्रदर्शनको ५१ दिन दुर्लभ बनेको छ । वर्षमा एकाध फिल्मले मात्र यो उपलब्धि हासिल गर्ने गरेका छन् । पछिल्लो पटक माघ १६ गते प्रदर्शनमा आएको फिल्म ‘आ बाट आमा’ले हलमा ५१ दिन मनाएको थियो । अब ५ महिनापछि फिल्म ‘लालीबजार’ले उक्त यात्रा पूरा गरेको छ । 

आगामी साउन २९ गतेबाट प्रदर्शनमा आउन लागेको फिल्म ‘लज्जावती’ले प्रचार अभियानलाई तीव्रता दिन थालेको छ । यसैक्रममा शुक्रबार फिल्मका पाँच नयाँ पोस्टर सार्वजनिक गरिएको छ । फिल्मका चार मुख्य कलाकारलाई समेटिएको पोस्टरले दुई जोडीको प्रेम दर्शाउने प्रयास गरेको छ । गाउँदेखि पशुपति आर्यघाटसम्मका दृश्य पोस्टरमा समावेश छन् ।

अभिनेत्री नीता ढुंगानाको निर्देशनमा बनेको फिल्म ‘पार्वती’को पहिलो गीत ‘नौतुना रेलैमा’ सार्वजनिक गरिएको छ । रत्यौली भाकाको यस गीतमा रचना रिमाल, सरु गौतम र सहिमा श्रेष्ठको स्वर रहेको छ भने शब्द रचना हर्क साउदको हो । गीतमा दीपक शर्माको संगीत रहेको छ । संगीत संयोजन, मिक्सिङ तथा मास्टरिङ नरेन्द्र वियोगीले गरेका हुन् ।

जीवन सिंहको लेखन तथा निर्देशनमा बनेको एक्सन–लभस्टोरी फिल्म ‘हन्टर’ इन्द्रजात्राको अवसर पारेर असोज ९ गतेबाट प्रदर्शनमा आउने भएको छ । शुक्रबार निर्माताले एक पोस्टर सार्वजनिक गर्दै प्रदर्शन मितिबारे जानकारी गराएका हुन् । अब यो फिल्मको बक्स अफिसमा धीरज मगर र मिरुना मगर अभिनीत फिल्म ‘कुस्ती’सँग भिडन्त हुनेछ । 

राजु श्रेष्ठको निर्देशनमा बन्न लागेको फिल्म ‘कंगाल करोडपति’को मुख्य भूमिकामा अभिनेता मुकुन भुसाल अनुबन्धित भएका छन् । शुक्रबार निर्माता र भुसालबीच लिखित सम्झौता भएको हो ।