Nepal's No.1 Filmy Web Magazine

यतिबेला दर्शकमा कुनै फिल्मको प्रदर्शन मितिलाई लिएर सर्वाधिक चासो छ भने त्यो ‘आचार्य’को हो । अभिनेता निखिल उप्रेतीको निर्देशनमा बनेको यो फिल्मको छायांकन सकिएको ४−५ महिना भइसकेको छ । तर, अहिलेसम्म निखिलले फिल्मको प्रदर्शन मिति घोषणा गरेका छैनन् । उनले दशैंअघि फिल्म रिलिज हुने जानकारी भने गराउँदै आएका छन् । 

नेपालका गिनेचुनेका सफल निर्देशकमध्ये एक हुन्, दिनेश राउत । ‘नोभेम्बर रेन’, ‘क्लासिक’, ‘प्रसाद’, ‘पुजार सार्की’ जस्ता फिल्मबाट आफूलाई निर्देशनमा अब्बल सावित गरेका उनी आफ्ना पछिल्ला दुई फिल्म ‘महाभोज’ र ‘कुमारी’को असफलतापछि भने एकाएक हराएका छन् । उनी आफ्नो फेसबुक पेज समेत निस्क्रिय (अस्थायी ब्लक) गरेर बसेका छन् ।

लोकप्रिय कलाकार मदनकृष्ण श्रेष्ठको जीवनकथामा फिल्म बन्ने भएको छ । गत वर्षको सुपरहिट फिल्म ‘अञ्जिला’का निर्देशक मिलन चाम्सले श्रेष्ठको बायोपिक बनाउन लागेका हुन् । फिल्मको नाम ‘मदनकृष्ण’ राखिएको छ । सोमबार काठमाडौंमा एक कार्यक्रमका बीच यो फिल्मको औपचारिक रूपमा निर्माण घोषणा गरियो । 

गणतन्त्र दिवसको अवसर पारेर गत जेठ १५ गतेबाट प्रदर्शनमा आएको फिल्म ‘रोल नं. १’ले घरेलु बक्स अफिसमा डेढ करोडको आँकडा पार गरेको छ । सोमबार चलचित्र विकास बोर्डले सार्वजनिक गरेको विवरणमा हिजो आइतबार (७ असार)सम्म फिल्मको कुल कमाइ १ करोड ५५ लाख ४६ हजार ६६८ रुपैयाँ ग्रस देखिएको छ । 

संविधान दिवसको अवसर पारेर असोज २ गते (१८ सेप्टेम्बर)बाट प्रदर्शनमा आउन लागेको फिल्म ‘झिँगेदाउ २’ले अब प्रचार अभियानलाई तीव्रता दिने भएको छ । त्यसका लागि सोमबार फिल्मका तीनवटा नयाँ पोस्टर सार्वजनिक गरिएको छ । फिल्मका मुख्य कलाकारहरूलाई समेटिएको पोस्टरले यसको कथावस्तुबारे संकेत गरेको छ । 

अभिनेता दयाहाङ राई र अभिनेत्री मिरुना मगरको जोडी एकपटक फेरि पर्दामा देखिने भएको छ । ‘मितज्यू’का निर्देशक अनिल बुढा मगरको निर्देशनमा बन्न लागेको नयाँ फिल्म ‘रातो घेरा’ (द रेड सर्कल)मा उनीहरू एकसाथ देखिन लागेका हुन् । अनिलको पहिलो फिचर फिल्म ‘घरज्वाइँ’मा पनि उनीहरूको मुख्य भूमिका थियो ।