Nepal's No.1 Filmy Web Magazine
अभिनेत्री प्रियंका कार्कीले पहिलो पटक निर्माण गरेको फिल्म ‘मास्टर्नी’को ट्रेलर सार्वजनिक गरिएको छ । बिहीबार काठमाडौंमा आयोजित एक कार्यक्रमका बीच झन्डै २ मिनेट लामो ट्रेलर दर्शकमाझ ल्याइएको हो । ट्रेलरले फिल्मको कथावस्तु संक्षिप्तमा प्रकाश पारेको छ । पेशाले शिक्षिका रहेकी आमाले आफ्नी छोरीलाई बचाउन गरेको संघर्षलाई ट्रेलरमा देखाइएको छ ।
एक साताअघि सार्वजनिक फिल्म ‘आचार्य’को फर्स्टलुक टिजरले सकारात्मकभन्दा नकारात्मक चर्चा बढी बटुल्यो । विशेषगरी टिजरको भिएफएक्सलाई लिएर निकै आलोचना भइरहेको छ । अभिनेता निखिल उप्रेतीले आगो बलेको टायर हातले घुमाएको दृश्यमा देखिएको भिएफएक्सले धेरैको आँखा बिझाएको छ । यद्यपि, निखिलका प्रशंसकहरू टिजरबाट सन्तुष्ट देखिन्छन् ।
विश्व प्रतिष्ठित कान्स फिल्म फेस्टिभलमा ‘अन सर्टेन रिगार्ड’ विधातर्फको ‘जुरी प्राइज’ अवार्ड जित्दै इतिहास रचेको नेपाली फिल्म ‘एलिफेन्ट्स इन द फग’ (तिनीहरू)को म्युजिकल ट्रेलर सार्वजनिक गरिएको छ । बुधबार काठमाडौंमा आयोजित एक कार्यक्रमका बीच निर्माण पक्षले भोजपुरी गीत र फिल्मका दृश्यहरू समेटिएको ट्रेलर दर्शकमाझ ल्याएको हो ।
संविधान दिवसको अवसर पारेर असोज २ गतेबाट प्रदर्शनमा आउन लागेको फिल्म ‘झिँगेदाउ २’को टिजर सार्वजनिक गरिएको छ । बुधबार काठमाडौंमा आयोजित एक कार्यक्रमका बीच निर्माण पक्षले झन्डै २ मिनेट लम्बाइको टिजर दर्शकमाझ ल्याएको हो । टिजरले फिल्मको कथावस्तु र केन्द्रीय द्वन्द्वबारे संक्षिप्तमा प्रकाश पारेको छ ।
फिल्म ‘गौँथली’ले ठूलो व्यावसायिक सफलता हासिल गरेपछि यसका मुख्य अभिनेता अरुण क्षेत्रीको फिल्ममा माग बढ्न थालेको छ । यसैक्रममा मंगलबार उनी नयाँ फिल्ममा भित्रिएका छन् । मिलन चाम्सको निर्देशनमा बन्न लागेको फिल्म ‘म मदनकृष्ण’मा उनी अनुबन्धित भएका हुन् । फिल्ममा उनले कलाकार हरिवंश आचार्यको भूमिकामा अभिनय गर्नेछन् ।
‘गजनी’का चर्चित भिलेन प्रदीप रावतले मंगलबार साँझ उपचारका क्रममा अन्तिम सास लिए । ५ वर्षदेखि ब्लड क्यान्सरसँग जुधिरहेका उनी केही सातादेखि मुम्बईस्थित कोकिलाबेन अस्पतालमा उपचाररत थिए । उनको निधनको खबरले यतिबेला बलिउड शोकमा डुबेको छ । भारतीय कलाकारहरूले उनीप्रति सामाजिक सञ्जालमार्फत श्रद्धाञ्जली अर्पण गरिरहेका छन् ।
