Nepal's No.1 Filmy Web Magazine
अभिनेत्री नीता ढुंगानाले फिल्म क्षेत्रमा दुई दशक विताइसकेकी छन् । यो अवधिमा ३० भन्दा बढी फिल्ममा अभिनय गरेर दर्शकमा आफ्नो गहिरो छाप छाडेकी उनले अब निर्देशकको रूपमा आफूलाई उभ्याएकी छन् । उनको पहिलो निर्देशकीय फिल्म ‘पार्वती’ आगामी भदौ १२ गतेबाट प्रदर्शनमा आउँदैछ । यसमा उनी स्वयं मुख्य भूमिकामा छिन् ।
नेपाली मुलकी बलिउड अभिनेत्री मनिषा कोइरालाले देशका लागि राजसंस्था अपरिहार्य रहेको बताएकी छन् । शनिबार शाही युवा शक्ति नेपालले काठमाडौंमा आयोजना गरेको ‘राजाको पक्षमा जनताको हस्ताक्षर अभियान’ कार्यक्रममा सहभागी हुने क्रममा उनले सञ्चारकर्मीसँग कुरा गर्दै राष्ट्रियता जोगाउन संवैधानिक राजसंस्था आवश्यक रहेको औँल्याएकी हुन् ।
बलिउडका महँगा अभिनेताको रूपमा चिनिएका सलमान खानले आफ्नो पारिश्रमिक घटाएका छन् । उनले नयाँ फिल्म ‘एसभीसी६३’का लागि ७० करोड भारु पारिश्रमिक लिएको ‘फ्री प्रेस जर्नल’ले जनाएको छ । यो उनले आफ्नो सामान्य पारिश्रमिकको ५८ प्रतिशत मात्र लिएका हुन् । सामान्यतया उनले १२० करोडसम्म पारिश्रमिक लिने गर्छन् ।
अभिनेत्री रेखा थापाको निर्देशनमा बनेको फिल्म ‘माया भनेकै यस्तो होला’को शीर्ष गीत सार्वजनिक गरिएको छ । शुक्रबार काठमाडौंमा आयोजित एक कार्यक्रमका बीच निर्माण पक्षले रोमान्टिक भावको गीत दर्शकमाझ ल्याएको हो । गीतमा प्रशान्त सिवाकोटीको शब्द तथा संगीत रहेको छ । गायनमा प्रशान्तलाई विज्ञानी पराजुलीले साथ दिएकी छन् ।
‘बुलाकी’बाट लेखन विधामा राष्ट्रिय अवार्ड जितेका राजबहादुर सानेको निर्देशनमा बनेको फिल्म ‘लज्जावती’को ट्रेलर सार्वजनिक गरिएको छ । शुक्रबार काठमाडौंमा आयोजित एक कार्यक्रमका बीच निर्माण पक्षले ३ मिनेट लामो ट्रेलर दर्शकमाझ ल्याएको हो । ट्रेलरले फिल्मको कथावस्तु र केन्द्रीय द्वन्द्वबारे प्रकाश पारेको छ ।
