Nepal's No.1 Filmy Web Magazine
गत माघदेखि हरेक साता हलमा नयाँ नेपाली फिल्म टुटेका छैनन् । एकै मितिमा दुई-तीनवटासम्म फिल्म रिलिज भैरहेका छन् । यो साता पनि दुई फिल्म ‘११:५५’ र ‘द्रोपदी’ प्रदर्शनमा आएका छन् । यी दुवै फरक कथावस्तुमा बनेका फिल्म हुन् । ‘११:५५’ क्राइम-थ्रिलर फिल्म हो । एउटा घरमा भएको ‘मर्डर’को कथामा फिल्म आधारित छ । ‘द्रोपदी’ले भने बहुपति प्रथाको कथा उठाएको छ ।
‘एक्सन स्टार’को रुपमा परिचित निखिल उप्रेती ६ वर्षपछि फिल्म अभिनयमा फर्किने भएका छन् । पछिल्लो पटक ‘भिलेन’ (२०१९) मा देखिएका उनले फिल्म ‘आचार्य’बाट कमब्याक गर्न लागेका हुन् । यसको निर्देशन उनी आफैंले गर्नेछन् । गत फागुनमा चलचित्र विकास बोर्डमा उनले फिल्मको शीर्षक दर्ता गरेका हुन् । ‘भैरव’ (२०१५)पछि उनले दोस्रो पटक फिल्म निर्देशन गर्न लागेका हुन् ।
अभिनेता सलोन बस्नेतले पहिलो पटक निर्माण गरेको फिल्म ‘रंगी’ले घरेलु बक्स अफिसमा अपेक्षित व्यापार गर्न सकेन । यद्यपि, दर्शकीय प्रतिक्रिया राम्रो मिलेको थियो । अब यो फिल्मको विदेश प्रदर्शन यात्रा सुरु हुने भएको छ । त्यसको सुरुवात नेपालीहरुको ठूलो संख्यामा बसोबास रहेको देश अष्ट्रेलियाबाट हुनेछ ।
बलिउडका ‘दबंग स्टार’ सलमान खानको शीर्ष भूमिका रहेको एक्सनप्रधान फिल्म ‘सिकन्दर’लाई भारतमा मात्र नभइ नेपालमा पनि महत्त्वका साथ हेरिएको छ । दुवै देशमा आक्रामक व्यापार गर्ने प्रक्षेपण गरिएको यो फिल्म यही चैत १७ गते आइतबार अर्थात् ३० मार्चबाट प्रदर्शनमा आउँदैछ । निर्माताले सोमबार परेको इदको अवसर पारेर फिल्मलाई आइतबारबाट प्रदर्शन गर्न लागेका हुन् ।
‘सुनगाभा’ निर्देशक सुवर्ण थापाले एउटै घरभित्र गजबले फिल्म सकाएको भन्दै निर्देशक केशव पाण्डेको प्रशंसा गरे । उनले क्राइम थ्रिलर जनरामा बन्ने फिल्मलाई प्रोत्साहन गर्नुपर्ने बताए । अभिनेता जयकिशन बस्नेतले आफूलाई फिल्म रोचक लागेको प्रतिक्रिया दिए । एउटै घरभित्र खिचिएको भए पनि कलाकारहरूको अभिनय र प्रस्तुतिकरणले फिल्म हेरुन्जेल बाँधेर राख्ने उनको भनाइ छ ।
अभिनयमा पारंगत मानिने सरिता गिरीले पछिल्लो समय फिल्ममा आमाको भूमिका बढी गरिरहेकी छन् । त्यसमध्ये फिल्म ‘कर्मा’ पनि एक हो । यसमा उनले अभिनेता विपिन कार्कीकी आमाको भूमिका निभाएकी छन् । उनलाई यो फिल्मले आमा चरित्रको भाष्य र परम्परागत चरित्रचित्रण नै बदल्छ भन्ने विश्वास छ । आमा भनेपछि दिमागमा बन्ने चित्र फिल्मले मेटाउने उनको दाबी छ ।
