Nepal's No.1 Filmy Web Magazine
गत साउन १ गतेबाट प्रदर्शनमा आएको फिल्म ‘गौँथली’को सुनामी अझै रोकिएको छैन । प्रदर्शनको चौथो सातामा आइपुग्दा पनि फिल्मले सार्वजनिक विदा र ‘हाफ टिकट डे’मा १ करोडमाथि कमाइ गरिरहेको छ । हिजो शनिबार मात्र फिल्मले १ करोड ६३ लाख रुपैयाँ ग्रस कमाइ गर्यो । आइतबार पनि विदा रहेकाले १ करोड हाराहारी व्यापार हुने देखिन्छ ।
अभिनेत्री प्रियंका कार्कीले पहिलो पटक निर्माण गरेको फिल्म ‘मास्टर्नी’ आगामी भदौ ५ गतेबाट प्रदर्शनमा आउँदैछ । यसमा उनी स्वयं मख्य भूमिकामा छिन् । फिल्मको निर्देशन भने शुभेन्दु घोषले गरेका हुन् । उनी बंगाली भाषी निर्देशक हुन् । यसअघि उनले अभिनेता जितु नेपालले निर्माण गरेको फिल्म ‘आइएम जितबहादुर’ बनाएका थिए ।
२०८२ सालको ब्लकबस्टर फिल्म ‘परान’का निर्देशक दीपकप्रसाद आचार्य (काकु)ले आफ्नो दोस्रो निर्देशकीय फिल्म ‘चिरञ्जीवी भवः’को छायांकन सकाएका छन् । शुक्रबार काठमाडौंमा अन्तिम दृश्य खिचिएसँगै ५१ दिनमा फिल्मको छायांकन पूरा भएको हो । गत जेठ १५ गतेबाट सुरु भएको फिल्मको छायांकन पूर्वी सहर धनकुटा र सुनसरीमा पनि गरिएको थियो ।
कन्नड सुपरस्टार यशको बहुप्रतीक्षित फिल्म ‘टक्सिक : ए फेयरी टेल फर ग्रोन-अप्स’को ट्रेलर सार्वजनिक भएको छ । शनिबार ५ भाषामा सार्वजनिक झन्डै ५ मिनेट लामो ट्रेलरमा यश ग्याङ्स्टर अवतारमा देखिएका छन् । उनको लुक्स र ‘स्क्रिन प्रेजेन्स’ निकै प्रभावशाली देखिन्छ । तर, ट्रेलरले फिल्मको कथावस्तु भने स्पष्ट रूपमा खुलाएको छैन ।
कलाकार माओत्से गुरुङको निर्देशनमा बनेको फिल्म ‘पेन्सन पट्टा’को टिजर सार्वजनिक गरिएको छ । शुक्रबार सार्वजनिक साढे २ मिनेट लामो टिजरले फिल्मको कथावस्तु संक्षिप्तमा प्रकाश पारेको छ । फिल्मको नामअनुसार टिजर पनि पेन्सन पट्टाकै वरिपरि घुमेको छ, जहाँ नाम नमिल्दा उत्पन्न समस्यालाई देखाइएको छ ।
श्रीकृष्ण जन्माष्टमीको अवसर पारेर भदौ १९ गतेबाट प्रदर्शनमा आउन लागेको फिल्म ‘बा : एक योद्धा’को नयाँ गीत ‘नभन्नू कोइसित’ सार्वजनिक गरिएको छ । पञ्चेबाजाको धुनमा तयार पारिएको गीतमा हरि लम्सालको शब्द तथा संगीत रहेको छ । गीतमा समीक्षा अधिकारी र सागर आलेको युगल गायन छ भने समीर जैरुले पञ्चेबाजा बजाएका छन् ।
