Nepal's No.1 Filmy Web Magazine

२०५८ सालमा निर्माण भएको फिल्म ‘सुपरस्टार’मा समावेश चर्चित गीत हो, ‘गुराँस फुल्दा’ । भारतीय गायिका साधना सरगमको स्वर रहेको गीतमा दयाराम दाहालको शब्द तथा सचिन सिंहको संगीत छ । अब यो कालजयी गीतले २५ वर्षपछि पुनर्जन्म पाएको छ । अभिनेत्री प्रियंका कार्कीले निर्माण गरेको फिल्म ‘मास्टर्नी’मा गीतलाई ‘रि-क्रिएट’ गरेर समावेश गरिएको छ ।

२०७९ सालमा प्रदर्शन भएको फिल्म ‘झिँगेदाउ’लाई देउरानी र जेठानीको झगडाले नै सुपरहिट बनायो । अब यो फिल्मको दोस्रो श्रृंखला (सिक्वेल) असोज २ गतेबाट प्रदर्शनमा आउँदैछ । गत बुधबार सार्वजनिक भएको टिजर हेर्दा सिक्वेलले पनि दर्शकलाई आकर्षित गर्ने छनक देखाएको छ । घरायसी झगडादेखि भावनात्मक पक्षसम्म टिजरमा सशक्त देखिएको छ ।

यस वर्षको दोस्रो ब्लकबस्टर फिल्म ‘गौँथली’ले प्रदर्शनको २४ दिनमै ठूलो व्यावसायिक उपलब्धि हासिल गरेको छ । चलचित्र विकास बोर्डले सोमबार सार्वजनिक गरेको सिनेपाः बक्स अफिसको विवरणअनुसार फिल्मले हिजो आइतबार (२४ साउन)सम्म १९ करोड ७१ लाखभन्दा बढी कमाइ गरेको छ । योसँगै ‘गौँथली’ सर्वाधिक कमाउने चौथो नेपाली फिल्म बनेको छ ।