Nepal's No.1 Filmy Web Magazine
प्रायः नेपाली फिल्मको छायांकन सेड्युल एक महिनाको हुन्छ । ठूलो क्यानभासको फिल्मलाई भने ५०/६० दिनसम्म लाग्ने गरेको छ । छायांकन लम्बिँदा बजेट पनि बढ्ने भएकाले बढीमा एक महिनाको सेड्युल सबैभन्दा उपयुक्त मानिन्छ । तर, फिल्म ‘बलिदान’ले भने सबैभन्दा लामो समय खिचिने फिल्मको कीर्तिमानी बनाएको छ । यो फिल्म खिच्न १ सय २० दिनभन्दा बढी समय लागेको छ ।
कानुनी झमेला पार गर्दै गत माघ १८ गतेबाट प्रदर्शनमा आएको फिल्म ‘एक्टर : टेक वन’ व्यापारिक रुपमा असफल भइसकेको छ । निर्माता स्वयंले फिल्म नचलेको स्वीकार गरिसकेका छन् । दर्शक नै नआएपछि अधिकांश हलहरुले पनि फिल्म उतारिसकेको अवस्था छ । खल्ती एपमा शनिबारका लागि फिल्मको देशभर एउटा मात्र शो देखिन्छ । त्यो शोमा पनि बुकिङ निकै दयनीय छ ।
‘एक्टर’ नामका दुई फिल्मको विवाद फेरि सुरु भएको छ । दुई साताअघि प्रदर्शित फिल्म ‘एक्टर : टेक वन’का निर्माताले अनुचित लाभ लिन खोजेको भन्दै काठमाडौं जिल्ला अदालतमा ‘एक्टर’का निर्माताविरुद्ध मुद्धा दायर गरेका छन् । फिल्म रिलिज गर्न दिने भन्दै अनुचित प्रभावमा पारेर ‘एक्टर’का निर्माताले आफूहरूबाट १५ लाखको चेक लिएको अदालतमा दायर मुद्धामा उल्लेख छ ।
संगीतकार टंक बुढाथोकीको डेब्यु निर्देशनमा बन्न लागेको फिल्म ‘मन बिनाको धन’को छायांकन सुरु भएको छ । शुक्रबार बिहान कोटेश्वर महादेव मन्दिरमा मुहूर्त पूजा गरेपछि भक्तपुरको बालकोटबाट छायांकन थालिएको हो । फिल्मका प्रमुख दुई कलाकार अशोक दर्जी र सन्तोष पन्तले मुहूर्त सट दिएका थिए । गायक समेत रहेका अशोकले अभिनय गर्न लागेको यो पहिलो फिल्म हो ।
अभिनेता सौगात मल्ल र अभिनेत्री सृष्टि श्रेष्ठले ब्रेकअपपछि एकसाथ काम गरेको पहिलो फिल्म ‘भाइरल गोर्खे’ आगामी जेठ ३० गतेबाट प्रदर्शनमा आउने भएको छ । भ्यालेनटाइन डेको अवसरमा दुईवटा पोस्टर सार्वजनिक गर्दै निर्माताले उक्त मितिमा फिल्म प्रदर्शन गर्ने घोषणा गरेका हुन् ।
टिजर र ट्रेलर रिलिजपछि चर्चामा रहेको फिल्म ‘दुःखी आत्मा’ प्रणय दिवसको दिन पारेर शुक्रबारबाट प्रदर्शनमा आइसकेको छ । यौन दुर्बलताको विषयमा आधारित भएर बनेको फिल्मले रिलिजको पूर्वसन्ध्यामा बिहीबार साँझ काठमाडौंमा आयोजित प्रिमियरमा उत्साहजनक प्रतिक्रिया प्राप्त गर्यो । प्रिमियरमा उपस्थित प्रायःले उठाउनैपर्ने विषयमा रमाइलो फिल्म बनेको धारणा व्यक्त गरे ।
