Nepal's No.1 Filmy Web Magazine

अभिनेता तथा गायक प्रकाश सपूतले राजनीतिक यात्रा सुरु गरिसकेका छन् । उनी राष्ट्रिय स्वतन्त्र पार्टी (रास्वपा)बाट समानुपातिक उम्मेदवार समेत बनेका छन् । उनको नाम दलित पुरुष क्लस्टरको दोस्रो नम्बरमा छ । रास्वपाले प्रत्यक्षतर्फ १२५ सिट जित्दै समानुपातिकमा झण्डै ४० लाख मत ल्याइसकेका कारण उनी सांसद बन्ने निश्चित भइसकेको छ । 

अभिनेता पल शाहले ७ वर्षपछि आफ्नै फिल्मको व्यावसायिक कीर्तिमान तोडेका छन् । २०७४ सालमा प्रदर्शन भएको ‘शत्रु गते’ उनको करिअरकै सर्वाधिक कमाउने फिल्म बनेको थियो । चलचित्र विकास बोर्डको बक्स अफिस तथ्यांक अनुसार यसले १२ करोड ६५ लाख रुपैयाँ ग्रस कमाएको थियो । अब यसको रेकर्ड पलको नयाँ फिल्म ‘आ बाट आमा’ले तोडेको छ ।

अभिनेत्री आँचल शर्माको मुख्य भूमिका रहेको फिल्म ‘एक मुठ्ठी बादल : माई सेयर अफ स्काई’ आगामी जेठ १ गतेबाट प्रदर्शनमा आउने भएको छ । आइतबार निर्माण कम्पनी गौंथली इन्टरटेनमेन्टले अन्तर्राष्ट्रिय महिला दिवसको अवसरमा फर्स्टलुक पोस्टर सार्वजनिक गर्दै फिल्मको प्रदर्शन मिति तय गरेको हो । फिल्मलाई नेपालमा आरआर फिल्म्सले वितरण गर्नेछ ।

पछिल्लो समय गीतको लोकप्रियता मापन गर्ने माध्यम नै टिकटक बनेको छ । टिकटकमा गीत भाइरल भएपछि त्यसलाई सफल भएको मान्ने गरिन्छ । यही क्रममा फिल्म ‘राम नाम सत्य’को गीत ‘धागोले बाटेको’ यतिबेला टिकटकमा भाइरल भइरहेको छ । दुई साताको अवधिमा यो गीतमा झन्डै तीन लाख टिकटक भिडियो बनेका छन् भने युट्युबमा पनि यसको भ्यूज उल्लेख्य देखिएको छ ।

नेपाली समाजमा महिलाले भोग्ने संघर्ष, आत्मसम्मान, अस्तित्व र आत्मनिर्भरताको कथामा फिल्म ‘टिका’ बन्ने भएको छ । आइतबार अन्तर्राष्ट्रिय नारी दिवसको अवसरमा थिम पोस्टर सार्वजनिक गर्दै यो फिल्मको निर्माण घोषणा गरिएको हो । भविष्य खड्का फिल्मस् र थर्ड आइ आर्ट्सको संयुक्त ब्यानरमा निर्माण हुने यस फिल्मलाई शंकर कार्कीले निर्देशन गर्नेछन् ।