Nepal's No.1 Filmy Web Magazine

पछिल्लो समय फिल्म क्षेत्रमा नयाँ निर्देशकको आगमन निकै बढेको छ । कतिपय फिल्म मेकिङ अध्ययन गरेर यो क्षेत्रमा आएका छन् भने कतिपय सहायक निर्देशकको रूपमा लामो अनुभव बटुलेर निर्देशनमा होमिएका छन् । यसैक्रममा नयाँ फिल्म ‘द ब्लू लाइट’बाट बलिराम चौहान निर्देशकको रूपमा उदाएका छन् । उनीसँग निर्देशनको अनुभव र अध्ययन दुवै छ ।

आगामी फागुन २१ गते हुने प्रतिनिधि सभा निर्वाचनले फिल्मको प्रचारदेखि प्रदर्शनसम्म प्रभावित भएको छ । आम मानिसको चासो चुनावमा केन्द्रित हुँदा निर्माताहरूले फिल्मको प्रदर्शन नै स्थगित गर्न थालेका छन् । फिल्म ‘कल्ली’बाट यसको सुरूवात भएको छ । यो फिल्म फागुन १ गते प्रदर्शनको तयारीमा थियो । तर, अब निर्धारित मितिमा प्रदर्शन नहुने भएको छ ।

प्रेमकथामा आधारित फिल्म ‘मायाको गाउँ’मा समावेश ‘सबले भन्छन्’ बोलको मर्मस्पर्शी गीत सार्वजनिक गरिएको छ । प्रोसेस पाण्डेको स्वर, अनिल खनालको शब्द तथा अर्जुन पोखरेलको संगीत रहेको गीतले प्रेममा धोका पाएको पात्रको पीडालाई व्यक्त गरेको छ । प्रोसेस ‘द भ्वाइस अफ नेपाल सिजन ६’का विजेता हुन् ।

माघ २३ गतेबाट प्रदर्शनमा आउन लागेको लभस्टोरी फिल्म ‘कुमारी’को ट्रेलर रिलिजपछि विदेशमा माग ह्वात्तै बढेको छ । ट्रेलर रिलिजको तेस्रो दिन नै निर्माण पक्षले अस्ट्रेलिया, अमेरिका, क्यानडा र मध्यपूर्वका देशहरूका लागि फिल्मको प्रदर्शन अधिकार बिक्री गरेको छ । सोमबार निर्माता महेन्द्र अधिकारीले यसबारे जानकारी गराएका हुन् । 

कीर्तिमानी फिल्म ‘पूर्णबहादुरको सारङ्गी’का अभिनेता विजय बरालले अब गायकको रूपमा आफ्नो परिचय थपेका छन् । फिल्म र नाटकमार्फत अभिनयमा आफूलाई प्रमाणित गरिसकेका उनले ‘विधिको शासन’ गीतमार्फत गायनमा डेब्यु गरेका हुन् । आइतबार युट्युबमार्फत सार्वजनिक यस गीतमा शौरभ कार्कीको शब्द रचना तथा प्रशान्त सिवाकोटीको संगीत छ । 

माघे संक्रान्तिको दिन तीन चर्चित कलाकारका फिल्मबीच बक्स अफिसमा प्रतिस्पर्धा भएको थियो । सो मितिमा दयाहाङ राई अभिनीत ‘मिरमिरे’, सौगात मल्ल अभिनीत ‘भाइरल गोर्खे’ र मरिचमान श्रेष्ठ ‘बल्छी धुर्वे’ अभिनीत तथा निर्देशित फिल्म ‘गोबर गणेश’ एकैसाथ प्रदर्शनमा आएका थिए । तर, यी तीनवटै फिल्म अपेक्षित रूपमा व्यापार गर्न असफल भएका छन् ।