Nepal's No.1 Filmy Web Magazine
‘जारी’ जोडी दयाहाङ राई र मिरुना मगरको मुख्य भूमिका रहने फिल्म ‘रातो घेरा : द रेड सर्कल’ आगामी मंसिर १८ गतेबाट प्रदर्शनमा आउने भएको छ । बिहीबार पाटनस्थित बंगलामुखी मन्दिरमा फिल्मको शुभ मुहूर्त गर्दै प्रदर्शन मितिबारे जानकारी गराइएको हो । फिल्मको छायांकन भने यही असार २५ गतेबाट सुरु हुनेछ ।
तेलुगु अभिनेत्री सामन्था रुथ प्रभु यतिबेला दुईवटा कारणले चर्चामा छिन् । एउटा, उनी आमा बन्दैछिन् । दोस्रो, उनको मुख्य भूमिका रहेको फिल्म ‘मा इन्टी बंगारम’ले कमाइमा नयाँ कीर्तिमान बनाएको छ । यो तेलुगु फिल्मको इतिहासमा सबैभन्दा धेरै कमाइ गर्ने महिला-प्रधान फिल्म बनेको छ । यसले ‘अरुन्धती’को कीर्तिमानलाई तोड्दै उक्त उपलब्धि हासिल गरेको हो ।
‘हली’ भन्नासाथ धेरैले कृषक सम्झन्छन् । किनकि, यो कृषि पेशामा आबद्ध व्यक्तिलाई भनिने शब्द हो । अब यही नाममा नेपाली फिल्म निर्माण भएको छ, जुन आगामी साउन २२ गतेबाट प्रदर्शनमा आउँदैछ । यो नामले फिल्मको कथा कृषकमा आधारित रहेको स्पष्ट संकेत गर्छ । यसैले यो फिल्मको खास लक्षित दर्शक खेती-किसानी गर्ने व्यक्ति हुन् ।
गत बैशाख र जेठमा नेपाली फिल्म रिलिजको चाप उच्च रह्यो । यो दुई महिनामा मात्र एक दर्जन हाराहारी फिल्म रिलिज भए । त्यसमध्ये व्यावसायिक सफलता भने ‘लालीबजार’ले मात्र हासिल गर्यो । तर, अब यो फिल्मले पनि बक्स अफिसमा दम तोडेको छ । यसैले भोलि शुक्रबारबाट देशभरका सम्पूर्ण हलबाट फिल्म उत्रिँदैछ ।
संगीतकार तथा गायक टंक बुढाथोकीको निर्देशनमा बन्न लागेको नयाँ फिल्म ‘मन बिनाको धन २’मा कलाकारको लाइनअप बलियो बनेको छ । पूजा शर्मा, महेश त्रिपाठी, सरोज खनाल, किरण केसी अनुबन्धित भइसकेको यस फिल्ममा अब अभिनेता विपिन कार्कीको प्रवेश भएको छ । मंगलबार उनीसँग निर्देशक बुढाथोकीले लिखित सम्झौता गरेका हुन् ।
नेपाली फिल्म क्षेत्रको सर्वोच्च संस्था चलचित्र विकास बोर्डले गत वर्ष २५औं वार्षिकोत्सव मनाउँदै गर्दा सोही अवधिसम्म बक्स अफिसमा ७ करोडमाथि व्यापार गर्ने २५ फिल्मलाई सम्मान गरेको थियो । जसमा ‘पूर्णबहादुरको सारङ्गी’देखि ‘पशुपतिप्रसाद २ : भष्मे डन’सम्म परेका थिए । यो सूचीमा सबैभन्दा धेरै फिल्म दीपकराज गिरी समूहको थियो ।
