Nepal's No.1 Filmy Web Magazine

गत साउनमा अभिनेत्री साम्राज्ञी राज्यलक्ष्मी शाहलाई मुख्य भूमिकामा लिएर फिल्म ‘एक्का मिस्सी बादशाह’को घोषणा भयो । घोषणाअघि निर्माण पक्षले अभिनेताको पनि टुंगो लगाउने प्रयास गरेको थियो । निकट स्रोतका अनुसार सबैभन्दा पहिला अनमोल केसीलाई फिल्म अफर गरिएको थियो । तर, उनले रुचि नदेखाएपछि साम्राज्ञीलाई मात्र अनुबन्धित गर्दै फिल्मको घोषणा गरियो ।

संविधान दिवसको अवसर पारेर असोज २ गतेबाट प्रदर्शनमा आउन लागेको फिल्म ‘कार्की साइँला’को टिजर सार्वजनिक गरिएको छ । सोमबार सार्वजनिक १ मिनेट ३६ सेकेण्ड लामो टिजरले फिल्मको मूल कथालाई प्रस्ट पारेको छ । अभिनेता जितु नेपाल (मुन्द्रे)लाई केन्द्रमा राखिएको टिजरमा भरिया पात्रको संघर्ष र उसलाई समाजले गर्ने व्यवहारलाई देखाइएको छ ।

१ साउनबाट प्रदर्शनमा आएको फिल्म ‘गौँथली’ले घरेलु बक्स अफिसमा २३ करोडको आँकडा पार गरेको छ । सोमबार चलचित्र विकास बोर्डले सार्वजनिक गरेको सिनेपाः विवरणमा फिल्मको कमाइ २३ करोड ५५ लाख १२ हजार ५०२ रुपैयाँ ग्रस देखिएको छ । फिल्मको यो कमाइ ३१ साउनसम्मको हो । उक्त अवधिसम्म फिल्मका ८ लाख ५५ हजार ७५२ वटा टिकट बिक्री भएका छन् ।

‘अगस्त्य’का निर्देशक सौरभ चौधरीको आगामी फिल्म ‘द राइज अफ साम्राज्य’मा कलाकारहरू भित्रिने क्रम जारी छ । सौगात मल्ल र दयाहाङ राई अनुबन्धित भइसकेको फिल्ममा अब अर्का अभिनेता नाजिर हुसेनको पनि प्रवेश भएको छ । निर्माताले दुई साताअघि नै उनीसँग लिखित सम्झौता गरेका हुन् । फिल्ममा उनको भूमिकाबारे भने खुलाइएको छैन । 

२०८२ सालको सुपरहिट फिल्म ‘ऊनको स्वीटर’को सिक्वेल निर्माण हुने भएको छ । शनिबार काठमाडौंमा आयोजित तेस्रो ‘इन्फा इन्टरनेशनल नेपाली फिल्म अवार्ड’मा फिल्मको औपचारिक निर्माण घोषणा गरिएको हो । फिल्मको नाम ‘कलेजी ऊनको स्वीटर’ राखिएको छ । सन् २०२७ (२०८४)मा प्रदर्शन गर्ने लक्ष्य राखिएको फिल्मको छायांकन दशैंपछि सुरु हुनेछ । 

आगामी शुक्रबार (५ भदौ)बाट प्रदर्शनमा आउन लागेको फिल्म ‘मास्टर्नी’ले दर्शकका लागि आकर्षक अफर ल्याएको छ । निर्माण पक्षले फिल्म हेर्दा स्कुटर जित्ने योजना अघि सारेको हो । भदौ ३ गतेदेखि भदौ ९ गतेसम्म खल्ती एपबाट फिल्मको टिकट काट्नेमध्ये एकजना दर्शकले ‘बीगस’ ब्रान्डको २ लाखमाथि पर्ने इभी स्कुटर प्राप्त गर्नेछन् ।