Nepal's No.1 Filmy Web Magazine

यतिबेला नेपालका हलमा भारतीय फिल्म ‘धुरन्धर : द रिभेन्ज’ले एकछत्र राज गरिरहेको छ । दर्शकहरूको उच्च चापका कारण काठमाडौंका कतिपय हलले दैनिक २०-२२ घन्टासम्म फिल्म चलाइरहेका छन् । तैपनि, टिकटको हाहाकार रोकिएको छैन । अवस्था कस्तोसम्म देखिएको छ भने आगामी शनिबारको शोको टिकट दर्शकहरूले अहिले नै काटिरहेका छन् ।

गत वर्ष प्रदर्शन भएको फिल्म ‘तेल भिसा’का निर्माता तथा मेनपावर व्यवसायी शिवराज कार्की पक्राउ परेका छन् । उनलाई मंगलबार काठमाडौं उपत्यका अपराध अनुसन्धान कार्यालयले स्वयम्भूबाट पक्राउ गरेको हो । ठगी र वैदेशिक रोजगारसम्बन्धी कसुरको आरोपमा उनी पक्राउ परेका हुन् । 

देशमा भर्खरै प्रतिनिधि सभाको चुनाव सम्पन्न भयो । यससँगै अब चुनावी गतिविधि फिल्म क्षेत्रमा सुरू हुन थालेको छ । कलाकारदेखि फिल्म पत्रकारहरू आबद्ध संस्थाको चुनाव अबको केही साताभित्र हुने तयारीमा छ । सबैभन्दा पहिला चलचित्र कलाकार संघको चुनाव हुँदैछ । यही चैत २८ गते संघको २१औं साधारण सभा तथा चुनावी महाधिवेशन आयोजना गरिएको छ ।

यस वर्षको ब्लकबस्टर फिल्म ‘आ बाट आमा’को अब दोस्रो श्रृंखला निर्माण हुँदैछ । अभिनेता पल शाहको जन्मदिनको अवसर पारेर गत फागुनमा एक पोस्टरमार्फत ‘आ बाट आमा २’को निर्माण घोषणा गरिएको थियो । अब यसका निर्देशक चन्द्र पन्त कलाकारहरू अनुबन्धित गर्ने प्रक्रियामा जुटेका छन् । सोमबार उनले पल र विपना थापासँग एकसाथ लिखित सम्झौता गरे । 

तुलसी घिमिरेको निर्देशनमा बनेको फिल्म ‘पहाड’को पहिलो गीत ‘मोहनी लगाउने’ सार्वजनिक गरिएको छ । सोमबार काठमाडौंमा एक कार्यक्रमका बीच रञ्जित गजमेरको संगीतमा रहेको उक्त गीत दर्शकमाझ ल्याइएको हो । गीतलाई संगीतकार गजमेरले फिल्म ‘चिनो’मा समावेश आफ्नो चर्चित गीत ‘मोहनी लाग्ला है’को शैलीमा तयार पारेका छन् ।