Nepal's No.1 Filmy Web Magazine

साउन ३२ को रिलिजबाट फिल्म सौर्यले हात झिकेको छ । फिल्मको प्राविधिक कार्य योजना अनुरुप सकिन बाँकी रहेकाले सौर्य उक्त डेटबाट ब्याक भएको हो । फिल्मका निर्देशक मार्कण्डेय दीपविम बस्नेतले रिलिज डेट पोस्टपोन्ड गरिएको बारे भने- 'फिल्मको लाइटिङ अन्तिम चरणमा हुँदैछ । एनिमेशन फिल्म भएकाले सम्पादनमा समय लाग्यो ।'

फिल्म धन्दा र प्रदर्शनको पर्खाइमा रहेको फिल्म मौनका स्क्रिप्ट राईटर अर्पण विगत ६ महिना देखी स्क्रिप्ट लेखनमा व्यस्त छन् ।

'मेरो माया मरेपछि तिमी त धेरै दामि भईछ्यौ...' यहि गीतका स्वर तथा संगीतका धनी गायक हिमाल सागर नेपाली फिल्ममा प्रमुख भुमिकामा देखिने भएका छन् । विज्ञान प्रविधिको कथा बोक्ने फिल्ममा सागर गायककै भुमिकामा प्रस्तुत हुनेछन् ।

नेपाली फिल्म बडीगार्ड मार्फत डेब्यु गरेका नायक आकाश शाह पुन: सक्रिय हुने बताएका छन् । केही समय अघि मुम्बाईबाट नेपाल फर्केका आकाश अब लामो समय नेपालमै बसोबास गरी नेपाली फिल्ममा ब्यस्त रहने बताएका हुन् ।

साउन १ गते घोषणा हुने भनिएको बक्स अफिस, फिल्म तथा हल वर्गीकरण नीति बक्स अफिस सर्भर कहाँ राख्ने भन्ने विवादमा अड्किएको छ । आज विकास वोर्ड कार्यालयमा संघसंस्था बिचको बैठकले पनि बक्स अफिस सर्भर राख्ने स्थान बारे सहमती जुटाउन सकेन ।

निर्माताको गुनासो छ, वितरकले फिल्मको व्यापारिक हिसाब बुझाएनन् । बुझाउनेको हिसाब पनि पारदर्शी छैन । यस्तै आरोप प्रत्यारोपले गर्दा फिल्म निर्माता र वितरक विच एक खालको द्धन्द्ध नै छ ।