Nepal's No.1 Filmy Web Magazine

पहिलो साता उत्साहजनक व्यापार गरेका कारण फिल्म 'नाईं नभन्नु ल २'ले सफलताकासाथ दोस्रो साताको यात्रा तय गरेको छ । गत शुक्रबारबाट जति हलमा प्रदर्शन भएका थिए त्यति नै हलमा यो फिल्मले निरन्तरता पाएको छ । बालप्रेमको ‘नाईं नभन्नु ल २’ ले काठमाण्डौमा १९ र मोफसलमा ६० वटा हल पाएको थियो ।

चलचित्र कलाकार संघले रक्तदान कार्यक्रमको आयोजना गरेको छ । संघको सदस्यता लिएका कलाकारले रगत दान गराएका छन् । रत्नपार्कस्थित शान्ति वाटिकामा आयोजना गरिएको कार्यक्रममा ६८ जनाले रक्तदान गरेका थिए ।

कलाकार गोपाल अर्यालले ‘वर्ल्ड कप इन नेपाल’ फिल्म मौलिक विषयमा आधारित रहेको बताएका छन् । उनले भने, ‘हाम्रो फिल्ममा २० जना गुन्डा लड्दैनन् । बिदेशी फिल्मबाट चोरिएको छैन ।’

अभिनेत्री नम्रता श्रेष्ठको पत्थरीको अप्रेशन गरिएको छ । अप्रेशन पछि यतिबेला नम्रता रेष्टमा छन् । आराम गर्नुपर्ने भएकाले आउँदो शुक्रबार वैशाख १२ गते प्रदर्शन हुने फिल्म ‘नोभेम्वर रेन’ को प्रचार प्रसार कार्यक्रममा सहभागी हुन नपाउने नम्रताले बताइन् ।

नेपाली फिल्मका आइटम गीतमा अर्चना देलालको डिमान्ड बढ्दो छ । ‘ढुवानी’ फिल्ममा समावेश ‘छलक छलक छल्कियो’ बोलको आइटम गीतबाट प्रवेश गरेकी अर्चना यतिबेला पहिलो रोजाइकी आइटम गर्ल बनेकी छिन् ।

चितवनको नारायणगढमा अत्याधुनिक प्रविधि र सुविधा सम्पन्न 'सिम्याक्स सिनेमा' नामक हलको उद्घाटन भएको छ । वरिष्ठ अभिनेता शिव श्रेष्ठ, नायिका निशा अधिकारी र निर्माता तथा निर्देशक अशोक शर्माले बुधबार संयुक्त रुपमा उक्त हलको उद्घाटन गरे ।