अभिनेत्री नम्रता श्रेष्ठको पत्थरीको अप्रेशन गरिएको छ । अप्रेशन पछि यतिबेला नम्रता रेष्टमा छन् । आराम गर्नुपर्ने भएकाले आउँदो शुक्रबार वैशाख १२ गते प्रदर्शन हुने फिल्म ‘नोभेम्वर रेन’ को प्रचार प्रसार कार्यक्रममा सहभागी हुन नपाउने नम्रताले बताइन् ।
फिल्मीखबरसँग नम्रताले भनिन्, ‘केही साता आराम गर्नुपर्छ । त्यसैले ‘नोभेम्वर रेन’ को प्रचार कार्यक्रममा सहभागी हुन सक्दिन । तर, फोनबाटै भएपनि ‘नोभेम्वर रेन’को प्रचार प्रसारमा सघाउँछु ।’ नम्रता बिरामी पर्नु र छुल्ठिम गुरुङसँग सम्बन्ध गुलियो नभएपछि ‘नोभेम्वर रेन’ युनिट यतिबेला दुई हिरोइन बिनै फिल्मको प्रचार प्रसारमा व्यस्त छ । सुवास गिरी निर्मित ‘नोभेम्वर रेन’ लाई दिनेश राउतले निर्देशन गरेका हुन् ।
यस्तै नम्रता बिरामी भएपछि फिल्म 'अधकट्टी'को सुटिङमा पनि प्रभाव परेको छ । निर्देशक सुब्रत आचार्यले नम्रतालाई आराम मिलेपछि सुटिङ गर्ने बताए । चितवनको सुटिङ सकेर काठमाण्डौ फर्केका निर्देशक आचार्यको 'अधकट्टी'मा नम्रताको बिशेष भूमिका छ ।
