Nepal's No.1 Filmy Web Magazine
फिल्मकर्मीद्धय सुरेशदर्पण पोखरेल र अभिनेत्री मेलिना मानान्धर तथा बिमल संग्रौलालाई सेन्सर वोर्डमा नियुक्त गर्ने मन्त्री स्तरीय निर्णयलाई कार्यान्वयन नगर्न नारायण प्रसाद शाहको एकल इजालसले दिएको अन्तरिम आदेश खारेज भएको छ ।
अभिनेत्री करिश्मा मानान्धरले आफु केन्द्रित फिल्मको सुटिङ सुरु गरेकी छिन् । करिश्मा केन्द्रित फिल्मको नाम ‘हिरोज’ हो । एनबि महर्जनको निर्देशन रहेको यो फिल्मको सुटिङ बिहिरबारदेखि पोखराबाट सुरु भएको छ ।
एक समय हिट फिल्म दिएका निर्देशक दयाराम दाहाल ‘मिसन फोर ट्वान्टी’ फिल्म लिएर फर्किएका छन् । निर्देशक दाहाल निर्देशित यो फिल्म असार ६ गते अलनेपाल प्रदर्शन हुँदैछ । निर्देशक दाहालले ‘मिसन फोर ट्वान्टी’ लाई नारी प्रधान बनाएका छन् ।
ब्राजिलमा हुने विश्वकप फुटबल र नेपाली फिल्म ‘मुखौटा’ ले शहर गर्माएको छ । ब्राजिलमा विश्वकप सुरु भएको केही घण्टामा नेपाली हल हलमा फिल्म ‘मुखौटा’ प्रदर्शन हुनेछ । वर्ष ०७१ मा व्यवसायिक सफलता हात पार्ने फिल्मको रुपमा हेरिएको ‘मुखौटा’ शुक्रबार जेठ ३० गतेबाट अल नेपाल प्रदर्शनमा आउँदैछ ।
दुई बर्ष अगाडीदेखि रिलिज हुने भनिएको फिल्म 'मेरो भ्यालेन्टाइन' साउने झरीमा रिलिज हुने भएको छ । झरीको मौसम मानिने साउन महिनाको १६ गते यो फिल्म रिलिज हुने छ । निर्माता सुशिल श्रेष्ठले उक्त मितिमा फिल्म रिलिज गर्न पूर्ण रूपमा तयार भएको बताए ।
ब्राजिलमा आयोजना हुने विश्वकप फुटबलको गर्मीले नेपाली फुटबल प्रेमीलाई गज्जवले छोएको छ । विश्वकप खेल्ने देशको टि-सर्ट लगाएर फुटबल प्रेमीले आफ्नो टिमप्रति समर्थन जनाइरहेका छन् ।
