'छ एकान छ' निर्माण गरेका दिपकराज गिरी, दीपाश्री निरौला र निर्मल शर्माले दोस्रो प्रोजेक्ट 'वडा नम्बर ६'को निर्देशन जिम्मा उज्जवल घिमिरेलाई दिएका छन् । 'अन्दाज' निर्देशन गरेपश्चात सकृय नदेखिएका उज्जवलले लामो समयपछि कमेडी फिल्म निर्देशन गर्ने भएका हुन् ।
अभिमन्यू निरवीसँग मिलेर दिपकराजले तयार पारेको स्क्रिप्टमा 'छ एकान छ'कै मुख्य अभिनेता शिवहरि पौडेल, जितु नेपाल, केदार घिमिरे, सिताराम कट्टेल र सन्दीप क्षेत्रीसहित दीपकराज स्वयंले अभिनय गर्नेछन् । अभिनेत्रीमा भने 'छ एकान छ'की निता ढुंगाना दोहोरिने संभावना न्यून छ ।
कमेडी जनरामै निर्माण हुन लागेको यो फिल्मको सुटिङ मंसिर १ गतेदेखि शुरू हुने जनाईएको छ । फिल्मका अन्य कलाकार र प्राबिधिक छिट्टै सार्वजनिक हुने छन् ।
