दशैंको अन्तिम दिन अर्थात पूर्णिमाको दिनमा निर्माता छवि ओझाले अभिनेत्री शिल्पा पोखरेललाई दशैं टीका लगाईदिए । छबिको हातको टिका थाप्न शिल्पा सोमबार बिराटनगरबाट काठमाण्डौ आएकी हुन् ।
विगतका दशैंमा अभिनेत्री रेखा थापालाई टिका लगाएर नेपालको नम्बर वान अभिनेत्री बन्नु भन्ने आशिष दिने छबिले यसपाली भने 'लज्जा' अभिनेत्री शिल्पालाई दिए । पहिलो फिल्म नै छबि व्यानरको गरेकी शिल्पाले आफूले पाएको आशिर्वाद कर्म गरेरै पाउने आश गरिन् ।
शिल्पालाई डेब्यू गराउँदै छविले बनाएको पछिल्लो फिल्म 'लज्जा' आउँदो कात्तिक ७ देखि प्रर्दशन हुँदैछ । रेखा थापासंग सम्बन्ध सकिएपछि छविले शिल्पालाई नम्बर वान अभिनेत्री भन्न थालिसकेका छन् ।
यता शिल्पाले यसपालीको दशैं 'लज्जा' मय बनेको बताईन् । फिल्मीखबरसँग कुरा गर्दै शिल्पाले भनिन्, 'लज्जा सफल होस् भनेर दशैंको आशिर्वाद आँफैले मागें ।' गाउँघर जताततै 'लज्जा'कै चर्चा गरेर दशैं मनाएको शिल्पाले बताईन् । उनी दशैं मनाउन जन्मथलो बिराटनगर पुगेकी थिईन् ।
नवल नेपालले निर्देशन गरेको नारी प्रधान फिल्म 'लज्जा'मा शिल्पा केन्द्रिय भूमिकामा छिन् । यो फिल्मलाई शिल्पालाई अभिनेता आर्यन सिग्देलले साथ दिएका छन् ।
