प्रदिप उदयको निर्माणमा राजु शाहले निर्देशन गर्दै गरेको फिल्म 'नमस्ते नेपाल'को सुटिङ यतिबेला युरोपको बेल्जियममा भईरहेको छ । नेपालबाट गएका अभिनेता सविन श्रेष्ठ र गोपाल ढकाल सहित आना, श्याम श्रेष्ठ, अडी, जर्ज लगायतले अभिनय गर्दैछन् ।
.jpg)
बेल्जियम, फ्रान्स, जर्मन तथा युरोपका अन्य मुलुकमा छायांकन हुने भनिएको यो फिल्मलाई दिव्य सुवेदीले खिच्दैछन् । निर्माणमा ७५ लाख खर्च हुने बताईएको यो फिल्ममा प्रदिपसँगै श्रीजु शाह र मन्दिरा श्रेष्ठको लगानी छ । फिल्ममा वसन्त सापकोटा र ओम सुनारको संगीत, चन्द्र पन्तको एक्सन, राजु शाह र चरन प्रधानको नृत्य निर्देशन छ ।
.jpg)
प्रदिपले निर्माण गरेको फिल्म 'अधकट्टी' आउँदो फागुन १ गतेबाट प्रदर्शन हुनेछ भने सोही महिनाबाट ऋषि लामिछानेलाई लिएर अर्को फिल्म निर्माण गर्दैछन् । प्रदिप हाल सुटिङका लागि बेल्जियममै छन् ।
.jpg)
