Nepal's No.1 Filmy Web Magazine
अभिनेता श्रीकृष्ण श्रेष्ठको पार्थिव शरीरलाई सरकारी सम्मान सहित आज पशुपति आर्यघाटमा अन्त्येष्टि गरिएको छ । लाखौं शुभचिन्तक सहित मन्त्री नेता एवं फिल्मकर्मीले उनलाई अन्तिम श्रदान्जली दिएका थिए । काठमाडौँ आसपासका शुभचिन्तकले शवयात्रामा सहभागी भएरै श्रीलाई श्रद्दान्जली दिइरहँदा उनले निर्माण एवं अभिनय गरेको अन्तिम फिल्म 'कोहिनूर' हेर्न देशभरका हलमा समेत दर्शक पुगेर उनलाई श्रद्दान्जली दिइरहेका छन् ।
गत शनिबार मुम्बईको करोलबाग स्थित गंगाराम अस्पतालमा निधन भएका अभिनेता श्रीकृष्ण श्रेष्ठको सोमबार आर्यघाटमा अन्त्येष्टि गरिएको छ । श्रीकृष्णका जेठा दाइ रामकृष्ण श्रेष्ठले दागबत्ति दिनुअघि नेपाल सरकारका मन्त्रीहरु मिनेन्द्र रिजाल र प्रकाशमान सिंहले नेपालको झण्डा ओढाएर सम्मान प्रकट गरेका थिए । त्यसलगत्तै पुलिसको टुकडीले सलामी दिएर उनप्रति सम्मान प्रकट गरेको थियो । रामकृष्णले करिब ९ बजे राती दागबत्ति दिएका थिए ।
सरकारले अभिनेता श्रीकृष्ण श्रेष्ठलाई राष्ट्रिय सम्मान दिने निर्णय गरेको छ । सरकारले उनको अन्तिम बिदाइमा पार्थिव शरीरमा राष्ट्रिय झन्डा ओढाउने र नेपाल प्रहरीबाट सलामी दिने निर्णय गरेको हो । सरकारबाट प्राप्त सूचना अनुसार। सूचना तथा सञ्चारमन्त्री डा. मिनेन्द्र रिजालले स्व. अभिनेता श्रेष्ठको पार्थिव शरीरमा राष्ट्रिय झन्डा ओढाउने छन् भने नेपाल प्रहरीले स्व.श्रीकृष्णको शवलाई पशुपति आर्यघाटमा सलामी दिनेछ ।
पूर्वराजा ज्ञानेन्द्र शाहले अभिनेता श्रीकृष्ण श्रेष्ठको असमायिक निधनप्रति गहिरो दु:ख व्यक्त गरेका छन् । ज्ञानेन्द्रका स्वकिय सचिव फणिराज पाठकद्धारा सोमवार जारी गरिएको विज्ञप्तिमा अभिनेता श्रेष्ठको निधनको खबरले ज्ञानेन्द्र स्तब्ध भएको र मृतआत्माको चिरशान्तिको कामना समेत गरिएको छ ।
नेपाली फिल्म उद्योगका चर्चित अभिनेता श्रीकृष्ण श्रेष्ठको उपचारका क्रममा भारतमा निधन भयो । सम्पूर्ण फिल्म क्षेत्रनै शोकमा डुबिरहेको बेला उनले निर्माण एवं अभिनय गरेको फिल्म 'कोहिनूर' देशभरका हलमा गत शुक्रबारबाट प्रदर्शन भैरहेको छ । प्रदर्शनको पहिलो दिनबाटै देशभरको हलमा फिल्मले दर्शकको राम्रो साथ पाइरहेको छ ।
अभिनेता एवं निर्माता श्रीकृष्ण श्रेष्ठको पार्थिव शरीर भोली साउन २७ गते १ बजे नेपाल आइपुग्ने भएको छ । श्रीकृष्ण श्रेष्ठको पार्थिव शरीरलाई एअर इण्डियाको नियमित उडानबाट नेपाल ल्याउन लागिएको चलचित्र बिकास बोर्डले एक विज्ञप्ती मार्फत् जानकारी गराएको छ ।
