Nepal's No.1 Filmy Web Magazine
अभिनेता आर्यन सिग्देलको एक्सन भूमिका रहेको फिल्म ‘आवेग’को छायांकन सकिएको निर्माणपक्षले जानकारी दिएको छ । निर्देशक बसन्त निरौलाले ३४ दिनमा छायांकन सकिएको जानकारी दिए ।
नेपाल प्रर्दशनको टुंगो नलागेको फिल्म 'सेतो बाघ'को प्रिमियर शो अष्ट्रेलियाको मेलर्वन शहरमा हुने भएको छ । आयोजक नमस्ते नेपाल न्यूज एण्ड टेलिभिजनका नेपाली युवा सविन जंग थापाले दिएको जानकारी अनुसार आउँदो नोभेम्बर ८ मा 'सेतो बाघ'को रेडकार्पेट प्रिमियर शो मेलर्वन स्थित भिलेज सिनेमामा गरिन लागिएको हो ।
अभिनेत्री अशिष्मा नकर्मीले आफूलाई अन्य हिरोइनसँग डाहा नलाग्ने बताएकी छिन् । आफूले अभिनय गरेको फिल्म ‘अधकट्टी’को प्रेसमिटमा अशिष्माले भनिन्, 'अहिलेको पुस्ता डाह गर्ने नगरी काँधमा काँध मिलाएर हिंड्न रूचाउँछन् ।'
निर्माता प्रदिप कुमार उदयले फिल्म ‘अधकट्टी’ प्रदर्शन नहुँदै नयाँ दुई फिल्मको घोषणा गरेका छन् । जसमा 'नमस्ते नेपाल' र 'प्रोडक्शन नम्बर ३' छन् । 'प्रोडक्शन नम्बर ३' को नाम भने परिवर्तन हुन सक्ने बताइएको छ ।
अभिनेता निखिल उप्रेती अहिले आफ्नो पुरानो क्रेजलाई फर्काउन लागिपरेका छन् । सर्लाहीमा आफ्नै निर्देशनमा 'भैरव' फिल्मको छायांकन गरिरहेका निखिलले एक्सन अवतारलाई निरन्तरता दिएका छन् ।
चिनियाँ नागरिक हु वाई निर्देशित 'द बटरल्याम्प' ले एकादेशमा फिल्म महोत्सवको जुरी अवार्ड जितेको छ । यो जितसँगै उक्त फिल्मले नगद रू ५१ हजार पायो ।
