Nepal's No.1 Filmy Web Magazine

आर्यन सिग्देलले आफ्ना प्रतिस्पर्धी अभिनेतासँग आफ्नो जन्मदिन मनाएका छन् । आर्यनले बुधबार जीवन लुईटेल र दयाहाङ राईसँग जन्मदिन मनाएका थिए । तीनै जनालाई एक अर्काका प्रतिस्पर्धी अभिनेता मानिन्छ । तर तीनै जनाका बीचमा सम्बन्ध भने सौहाद्र छ जुन आर्यनको जन्मदिनको केक काट्दा पनि देखिएको थियो । अझ आर्यन र जीवन त पारिवारिक रुपमै नजिक छन् । त्यसैगरि दयाहाङ राईको उद्योगका सबैसँग मित्रवत सम्बन्ध छ ।

गत साता वितरित राष्ट्रिय चलचित्र पुरस्कारका विषयमा आफ्ना बारे विभिन्न ब्लग र सामाजिक सञ्जालमा आएका कुरालाई गलत हल्ला भन्दै नायिका नम्रता श्रेष्ठले दुख व्यक्त गरेकी छन् । उनले बुधबार सामाजिक सञ्जाल फेसबुकमा लामो स्टयाटस लेख्दै अनलाइन तथा ब्लगमा आएका समाचार तथ्यहीन भएको बताएकी हुन् । राष्ट्रिय पुरस्कार वितरण समारोहमा आफू चाँडै बाहिरिएको र आफूलाई अवार्ड नदिइएको विषयमा नचाहिँदो अनुमान लगाइएको उनले स्ट्याटसमा लेखेकी छिन् ।

बलिउड अभिनेत्री कट्रिना कैफले आफ्नो उमेरमाथि एक अभिनेताले टिप्पणी गरेपछि मन दुखाएकी छिन् । अभिनेता सिद्धार्थ मल्होत्राले कट्रिनाको उमेर माथि टिप्पणी गरेका हुन् । कट्रिना र सिद्धार्थ मल्होत्रा नित्या मेहराको फिल्ममा एकसाथ काम गर्दैछन् ।

अभिनेता आर्यन सिग्देल आजबाट ३२ बर्षमा प्रवेश गरेका छन् । ३२ बर्षको उमेरसम्म आइपुग्दा उनले नेपाली फिल्म क्षेत्रमा नाम, दाम र इज्जत सबै कमाएका छन् । फिल्म किस्मतबाट नेपाली फिल्ममा पाइला राखेका आर्यनका लागि यो क्षेत्र नै सबथोक हो ।

अभिनेता जीवन लुइटेल र मोडल बर्षा राउतविच काफल पाकेको छ । माघ १ गतेबाट देशभरका हलमा यी दुइविच काफल पाक्न लागेको हो ।नयाँ महिला निर्देशक सावित्री खत्रीले जीवन र बर्षालाई नयाँ फिल्म काफल पाक्योमा जोडी बनाएकी हुन् । फिल्ममा जीवन सोझो यूवक र बर्षा आधुनिक यूवतीको भूमिकामा देखिएका छन् ।

फिल्म ‘सपना तिम्रो मेरो’ को चर्चा बढ्ने क्रममा छ । शुक्रबारबाट फिल्म हलमा प्रदर्शन हुन लाग्दै गर्दा यसको यूनिटले प्रचारका लागि प्रेसमिटको आयोजना गरेको छ । काठमाण्डौमा आयोजना गरिएको प्रेसमिटमा यसका लेखक, निर्माता तथा निर्देशक ऋषिराज आचार्यले फिल्म पूर्ण पारिवारिक भएको दाबी गरे । उनले परिवारसँगै बसेर हेर्न मिल्ने यो फिल्मले प्रेमलाई उठान गरेको बताए ।