Nepal's No.1 Filmy Web Magazine
आपत विपद्मा परेका फिल्मकर्मीलाई आर्थिक सहयोग उपलब्ध गराउने उद्देश्यले स्थापना गरिएको ‘चलचित्रकर्मी कल्याणकोष’को संयोजकमा झरना थापा चुनिएकी छिन् । नेपाल चलचित्र बिकास बोर्डको सोमबार बसेको बैठकले झरनालाई केही समयदेखि रिक्त उक्त पदमा मनोनयन गरिएको जनाएको छ । बोर्डले सोमबार नै गरेको निर्णय अनुसार अभिनेत्री बसुन्धरा भुसाललाई कोष संरक्षक चुनेको छ ।
गायक युवराज चौलागाइलाई यो हप्ता राम्रै चिठ्ठा परिरहेको छ । शनिबार एनएफडीसी राष्ट्रिय चलचित्र पुरस्कारमा उत्कृष्ट पाश्र्व गायकको अवार्ड पाएका युवराजले सोमबार आयोजना भएको म्यूजिक खबर म्यूजिक अवार्डमा पनि सर्वोत्कृष्ट पाश्र्व गायकको अवार्ड जिते । फिल्म ‘नोभेम्बर रेन’को ‘तिमीलाई म के भनुँ’ बोलको गीतबाट उनले अवार्ड पाएका थिए । उनले कार्यक्रममा यो गीत गाएका पनि थिए ।
फिल्म 'पार्सल'को फस्ट लुक सार्वजनिक भएको छ । प्रदर्शन मिति तय नहुदै फिल्मको फस्ट लुक बाहिर ल्याइएको हो । विदेशबाट घर फर्कने लाहुरेको पार्सल साटिएपछि हुने विभिन्न गतिविधीलाई फिल्मले देखाएको छ । फिल्मलाई रविन श्रेष्ठले निर्देशन गरेका हुन् ।
आइतबार नेपाल चलचित्र विकास वोर्डमा अध्यक्ष राजकुमार राईले निर्माता माधव वाग्लेमाथि हातपात गरे । पदिय मर्यादाको ख्याल नगरी अध्यक्षले आफूमाथी हात हालेको भन्दै वाग्लेले चलचित्र निर्माता संघको सदस्य पदबाट रजिनामा दिएका छन् ।
बालाजुस्थित माछापोखरीबाट शुरु गरिएको 'वडा नम्बर ६'को स्ट्रिट कन्सर्टले निरन्तरता पाईरहेको छ । फिल्म प्रदर्शनको संघारमा निकै आक्रमक प्रचार गर्ने क्रममा 'वडा नम्बर ६' युनिटले आईतबार राजधानीका चक्रपथ, चावहिल र कोटेश्वरमा वृहत कार्यक्रम गर्यो ।
सेलिब्रेटीको जिवन पनि अचम्मको छ । बिहे नगरुन्जेल कहिले गर्नुहुन्छ भन्ने प्रश्न, गरेपछि बच्चा कहिले जन्माउनु हुन्छ भन्ने प्रश्न । बलिउडका चर्चित जोडी सैफ अली खान र करिना कपुरलाई पनि अहिले यस्तै भएको छ ।
