Nepal's No.1 Filmy Web Magazine

फिल्म ‘अधकट्टी’ले आफ्नो प्रदर्शन मिति तय गरेको छ । जेठ ८ गतेबाट पछि सरेको यो फिल्म अब दशैमा हलमा लाग्ने भएको छ । निर्माता प्रदिप कुमार उदयका अनुसार कात्तिक ३  गते काठमाण्डौ बाहिरबाट र कात्तिक ६ गतेबाट काठमाण्डौमा यो फिल्म लाग्नेछ । उनले दशैमा दर्शक फिल्म हेर्ने मुडमा भएकाले पनि प्रदर्शन मिति तोकेको बताए । एउटा राम्रो कमेडी फिल्म दर्शकले दशैमा हेर्न पाउने उनको भनाई छ ।

प्रदर्शन भएको १८ औं दिनमा  ‘एबीसीडी २’ले सय करोड भारु कमाई गरेको छ । आइतबार २ करोड कमाई गर्दै फिल्मले १ अर्ब १ करोड कमाई गरेको हो । सय करोड कमाई गरेसँगै फिल्म बलिउडमा सय करोड कमाउने ३७ औं फिल्म बनेको छ । यो वर्ष बलिउडमा जम्मा दुई फिल्मले मात्र घरेलु बजारबाट सय करोड कमाउने कीर्तिमान कायम गरेका छन् । यसअघि ‘तनु वेड्स् मनु’ले १ अर्ब ५० करोड कमाई गरे वर्षको सर्वाधिक कमाउने फिल्मको रेकर्ड कायम गरेको छ ।

फिल्म निर्देशक नीर शाहलाई ‘डायमन्ड शमशेर पुरस्कार’ प्रदान गरिने भएको छ  । ‘डायमन्ड शमशेर साहित्यिक प्रतिष्ठान’को उनलाई उक्त पुरस्कार प्रदान गर्ने निर्णय गरेको हो ।
शाहले राणाका कृतिमा फिल्म बनाई उनका कृतिलाई लोकप्रिय बनाउन थप भूमिका खेलेको भन्दै पुरस्कृत गर्ने निर्णय गरिएको हो ।

चलचित्र विकास बोर्ड फिल्म बनाउनका लागि ल्याएको मापदण्डको बिषयमा अहिले विभिन्न खालका बहस भैरहेका छन् । यस्ता खालका बहसले अहिले संचारमाध्यम त तातेका छन् नै । फिल्म क्षेत्रमा यो मापदण्ड लागू भएसँगै २ कित्ता पनि देखिएको छ । लामो समयदेखि फिल्म बनाउँदै आएका निर्माता तथा निर्देशक बोर्डको मापदण्डको पक्षमा देखिएका छन् भने फिल्म क्षेत्रमा नयाँ प्रयोग गर्नुपर्छ भन्नेहरु यसको बिपक्षीमा देखिएका छन् ।

अभिनेत्री बर्षा सिवाकोटीले फिल्म पशुपति प्रसादमा काम गर्ने पक्का भएको छ । फिल्मका लागि उनी लिडिङ लेडीको रुपमा पक्का भएकी हुन् । दिपेनद्र के खनालले निर्देशन गर्न लागेको यो फिल्ममा खगेन् लामिछाने मुख्य भूमिकामा छन् । खगेन्द्रकै कथा रहेको फिल्मले पशुपति प्रसाद नाम गरेका एक पात्रको बिषयलाई देखाउन लागेको हो ।

बलिउड अभिनेता सलमान खान स्क्यान्डलमा नपरेको त समय नै हुँदैन । कुनै न कुनै कुराले उनी बर्षभरि नै स्क्यान्डलमा पर्ने गरेका छन् । अहिले पनि सलमानको नयाँ फिल्म बजरंगी भाइजान यस्तै एउटा समस्यामा फसिरकेको छ । तर, यसले सलमानलाई कुनै असर परेको छैन ।