Nepal's No.1 Filmy Web Magazine

अभिनेता जीवन लुइटेल र मोडल बर्षा राउतविच काफल पाकेको छ । माघ १ गतेबाट देशभरका हलमा यी दुइविच काफल पाक्न लागेको हो ।नयाँ महिला निर्देशक सावित्री खत्रीले जीवन र बर्षालाई नयाँ फिल्म काफल पाक्योमा जोडी बनाएकी हुन् । फिल्ममा जीवन सोझो यूवक र बर्षा आधुनिक यूवतीको भूमिकामा देखिएका छन् ।

फिल्म ‘सपना तिम्रो मेरो’ को चर्चा बढ्ने क्रममा छ । शुक्रबारबाट फिल्म हलमा प्रदर्शन हुन लाग्दै गर्दा यसको यूनिटले प्रचारका लागि प्रेसमिटको आयोजना गरेको छ । काठमाण्डौमा आयोजना गरिएको प्रेसमिटमा यसका लेखक, निर्माता तथा निर्देशक ऋषिराज आचार्यले फिल्म पूर्ण पारिवारिक भएको दाबी गरे । उनले परिवारसँगै बसेर हेर्न मिल्ने यो फिल्मले प्रेमलाई उठान गरेको बताए ।

कमेडियन निर्मल शर्मा निर्देशक तथा अभिनेत्री पूजना प्रधान निर्मात्री बनेको फिल्म ‘चकलेट’ले प्रदर्शन मिति तय गरेको छ । वितरण कम्पनी एफडीले वितरण गर्ने यो फिल्म आउँदो मंसीरको आठ गते रिलिज हुनेछ ।निर्देशक निर्मल शर्माले एफडीका पदाधिकारीसँग गरिएको सम्झौता फेसबुक मार्फत सार्वजनिक गर्दै फिल्मको प्रदर्शन मिति तय भएको जानकारी बाँडेका हुन् ।

बलिउडकी चर्चित अभिनेत्री सोनाक्षी सिन्हा अब अन्डरवल्र्ड दुनियाँका चर्चित डन दाउद इब्राहिमकी बहिनी बन्ने तयारीमा छिन् । पर्दामा सोनाक्षीले यस्तो भूमिका निर्वाहा गर्न लागेकी हुन् ।

निर्देशक हेमराज वीसीका मनपर्ने अभिनेता हुन् अनमोल केसी । ‘होस्टेल’ र ‘जेरी’मा हेमराज र अनमोलले एकसाथ काम गरे । यसपछि यी दुइले ग्याङस्टारको बिषयमा बन्न लागेको एक फिल्ममा काम गर्ने चर्चा थियो । तर, अहिले यो फिल्मको चर्चा सेलाएको छ । अब भने अनमोलले हेमराजकै निर्देशनमा बन्न लागेको नयाँ फिल्म ‘गाजलु’मा काम गर्ने भएका छन् । फिल्मका लागि अनमोल पक्का भएपनि अभिनेत्रीको खोजी धमाधम भैरहेको छ ।

वैशाख १२ गतेको विनाशकारी भूकम्प पछिको अवस्था र भौतिक संरचनाको पुननिर्माणको विषयलाई लिएर फिल्म ‘कम्पन’ बनेको छ । दिनेश पौडेलले निर्देशन गरेको फिल्म अहिले पोष्ट प्रोडक्सनमा रहेको छ ।