Nepal's No.1 Filmy Web Magazine
यो बर्ष नै धमाका मच्चाउन सफल साउथ फिल्म बाहुबलीले एक प्रश्न दर्शकलाई छाडेर सकिएको छ । फिल्मको अन्तिममा उनका विश्वसनिय पात्र कटप्पाले बाहुबलीको हत्या गर्छन् । बाहुबलीको कटप्पाले हप्या गरे लगतै फिल्म सकिन्छ ।
अभिनेता जीवन लुइटेल अहिले व्यस्त छन् । फिल्म क्षेत्रमा उनको चर्चा बढ्दै गएपछि उनको व्यस्तता बढ्नु स्वभाविक हो । जीवनले आजसम्म अभिनय गरेका फिल्ममा ‘नाई नभन्नु ल’ बाहेक अन्यको चर्चा धेरै छैन । जीवनले पनि संझनलायक फिल्म यही नै गरेको छु भनेर भन्न सक्दैनन् ।
अभिनेता आर्यन सिग्देलले वुधबार आफ्नो ३२ औं जन्मदिन मनाए । जन्मदिन मनाउँदै गर्दा आर्यनलाई धेरैले उपहार दिए । तर, आर्यनले फिल्म ‘क्लासिक’को यूनिटबाट पाएको गिफ्ट भने विशेष थियो । फिल्म ‘क्लासिक’मा आर्यन गायकको भूमिकामा देखिदैछन् । यसैले पनि उनले फिल्म भित्र गितार बजाउन सिक्नुपर्नेछ । आर्यनलाई भूमिका भित्र अझ डुब्न सजिलो होस् भनेर फिल्म ‘क्लासिक’ यूनिटले उनलाई गितार उपहार दियो ।
आर्यन सिग्देलले आफ्ना प्रतिस्पर्धी अभिनेतासँग आफ्नो जन्मदिन मनाएका छन् । आर्यनले बुधबार जीवन लुईटेल र दयाहाङ राईसँग जन्मदिन मनाएका थिए । तीनै जनालाई एक अर्काका प्रतिस्पर्धी अभिनेता मानिन्छ । तर तीनै जनाका बीचमा सम्बन्ध भने सौहाद्र छ जुन आर्यनको जन्मदिनको केक काट्दा पनि देखिएको थियो । अझ आर्यन र जीवन त पारिवारिक रुपमै नजिक छन् । त्यसैगरि दयाहाङ राईको उद्योगका सबैसँग मित्रवत सम्बन्ध छ ।
गत साता वितरित राष्ट्रिय चलचित्र पुरस्कारका विषयमा आफ्ना बारे विभिन्न ब्लग र सामाजिक सञ्जालमा आएका कुरालाई गलत हल्ला भन्दै नायिका नम्रता श्रेष्ठले दुख व्यक्त गरेकी छन् । उनले बुधबार सामाजिक सञ्जाल फेसबुकमा लामो स्टयाटस लेख्दै अनलाइन तथा ब्लगमा आएका समाचार तथ्यहीन भएको बताएकी हुन् । राष्ट्रिय पुरस्कार वितरण समारोहमा आफू चाँडै बाहिरिएको र आफूलाई अवार्ड नदिइएको विषयमा नचाहिँदो अनुमान लगाइएको उनले स्ट्याटसमा लेखेकी छिन् ।
बलिउड अभिनेत्री कट्रिना कैफले आफ्नो उमेरमाथि एक अभिनेताले टिप्पणी गरेपछि मन दुखाएकी छिन् । अभिनेता सिद्धार्थ मल्होत्राले कट्रिनाको उमेर माथि टिप्पणी गरेका हुन् । कट्रिना र सिद्धार्थ मल्होत्रा नित्या मेहराको फिल्ममा एकसाथ काम गर्दैछन् ।
