जेम्स क्यामरुनको सुपरहिट फिल्म ‘अवतार’को सिक्वेल कुरिरहेकाहरुका लागि खुशीको खबर छ । निर्देशक क्यामरुनले सन् २०१७ को क्रिसमसको अवसरमा रिलिज गर्ने घोषणा गरेका छन् ।
‘अवतार’ संसारमै सबैभन्दा बढी कमाई गर्ने साइन्स फिक्सन फिल्म हो । फिल्मको पहिलो भागमा साम वर्दिङटन, जोइ साल्डोना, माइकल राड्रिगेज आदिको अभिनय रहेको थियो । सन् २००९ मा रिलिज भएको फिल्म दुई अर्ब अमेरिकन डलर कमाई गरेको थियो ।
‘अवतार’को सिक्वेल ट्रिओलोजीको रुपमा आउने क्यामरुन ले जानकारी गराएका छन् । फिल्मको सिक्वेलमा पनि साम वर्दिङटन, जोइ साल्डोनाको आफ्नो भूमिकालाई निरन्तरता दिनेछन् भने अरु कलाकारहरु भने परिवर्तन हुन सक्ने क्यामरुनले बताएका छन् ।
