Nepal's No.1 Filmy Web Magazine
अस्कर अवार्डको ‘उत्कृष्ट विदेशी भाषाका फिल्म’ विधाको प्रतिस्पर्धाका लागि चार नेपाली फिल्मले आवेदन दिएका छन् । अस्कर अवार्ड विदेशी भाषा फिल्म छनोट समिति नेपालले नयाँ संस्करणका लागि चार फिल्म प्रक्रियामा आएको जानकारी गराएका छन् । छनोट समिति सचिव चिरञ्जीवी गुरागाईंले प्रतिस्पर्धाका लागि ‘सुनपानी’, ‘निशानी’, ‘भीमदत्त’ र ‘टलकजंग भर्सेज टुल्के’ले आवेदन दिएको जानकारी गराए ।
अभिनेता निखिलले फिल्म ‘भैरव’लाई मल्टिप्लेक्स हलबाट हटाइएको भन्दै आफ्ना फिल्मका वितरक गोपाल कायस्थ विरुद्ध मुद्दा हालेका छन् । फिल्मले राम्रो व्यापार गर्दा गर्दै पनि क्युएफएक्स सेन्ट्रलबाट फिल्म हटाइएको भन्दै उनले निर्माता संघमा वितरक विरुद्ध मुद्दा हालेका हुन् ।
अभिनेता आर्यन सिग्देल र नव–अभिनेत्री आशिका तामाङ अभिनित फिल्म ‘सुश्री’ कात्तिक ३ गतेबाट लाग्ने भएको छ । निर्देशक शिवम् अधिकारीले फिल्म कसैसँग जुधाउन भन्दा पनि पहिले नै मिति तोकिएकाले आउन लागेको बताए । यही मितिमा फिल्म ‘ठमेल डट कम’, ‘परदेशी’ र ‘अधकट्टी’ले पनि आफू आउने घोषणा गरिसकेका छन् ।
आज भन्दा २५ बर्ष अगाडि प्रदर्शनमा आएको फिल्म ‘आशिकी’को एउटा गीत खुबै हिट भएको थियो । उसबेला सर्वाधिक हिट मानिएको ‘आशिकी’ फिल्मका धेरै गीत मध्ये ‘धिरे धिरे से मेरे जिन्दगीमे आना’ एएटा थियो जुन अहिले पनि चर्चामा छ ।
निखिलको उप्रेतिको कमव्याक मानिएको फिल्म ‘भैरव’ले नेपाली बजारमा व्यापारिक तहल्का मच्चाइरहेको छ । फिल्मको सफलताले निखिल निकै हौसियका छन् । त्यसैले त उनले 'भैरव'को सिरिज बनिरहने बताए ।
अमेरिकाको न्युयोर्कमा काठमाडौं अन्तर्राष्ट्रिय पर्वतीय फिल्म महोत्सव 'किम्फ' ट्राभलिङ किम्फका रुपमा सम्पन्न भएको छ । अगस्ट २९ मा न्युयोर्कस्थित शेर्पा किदुगको हलमा पहिलो पटक सम्पन्न महोत्सवमा देशविदेशका दर्शकहरुको सहभागिता रहेको थियो ।
