Nepal's No.1 Filmy Web Magazine
दुईटा सम्म नेपाली फिल्म चल्दा धेरै जसो समयमा दुवै फिल्मले राम्रो व्यापार गरेको उदाहरण देख्न पाईन्छ । तर दुईमा एक थपिएपछि भने सके तिनै फिल्म नभएपनि दुईटा फिल्म त हावा खान्छन् नै । ‘नोटबुक’ र ‘हमेशा’, ‘स्टुपड मन’ र ‘लज्जा’, ‘नाई नभन्नूल ३’ र ‘हवल्दार सुन्तली’ सँगसँगै जुध्दा पनि चलेका फिल्म हुन् । तर तिन फिल्म चलेका बेला भने धेरै जसो समय एउटा मात्र फिल्म चलेका उदाहरण छन् ।
करिब ८ बर्ष बोलचाल बन्द भएका अभिनेता निखिल उप्रेती र अभिनेत्री रेखा थापा केही समय अगाडि एक साथ देखिए । रेखालाई भेट्न निखिल उनकै अपार्टमेन्टमा पुगेपछि दुई जनाको सम्बन्ध सुध्रिएको हल्ला चले । निखिलले आफ्नो निर्देशन रहने फिल्म ‘भैरव’मा रेखालाई आइटम गर्न अनुरोध गरेको र रेखा सकारात्मक रहेको खबर बाहिरिएको थियो तर रेखाले पछि इन्कार गरिन् ।
फिल्म 'चलेछ बतास सुस्तरी'को शिर्ष गीत सार्वजनिक गरिएको छ । सार्वजनिक गीतमा प्रमोद भारद्धाज र शुष्मा कार्कीले आफ्नो प्रेम भाव प्रस्तुत गरेका छन् ।
हिट फिल्म ‘सायद’ सिक्वेलको लागी निर्माण कम्पनि दुर्गिश फिल्मसले निर्देशक अनुबन्ध गरेको छ । बलिउडका विभिन्न फिल्ममा सहायक निर्देशन गरिसकेका पुष्पराज न्यौपानेलाई ‘सायद २’ को लागि अनुबन्ध गरिएको निर्माण कम्पनीको भनाई छ ।
फिल्म ‘काफल पाक्यो’को क्यानडामा प्रिमियर हुने भएको छ । माघ १ गतेबाट दर्शकमाझ आउने तयारीमा रहेको यो फिल्मको क्यानडामा नोभेम्वर २९ मा प्रिमियर हुने भएको हो ।
चलचित्र संघ र चलचित्र विकास बोर्डले चाडै नै पत्रकार सम्मेलन गरेर काठमाण्डौका मल्टिप्लेक्समा निर्मातालाई दिइएको नयाँ सुविधाको बारेमा जानकारी गराउने भएका छन् । मल्टिप्लेक्स हलमा निर्माताले व्यहोर्दै आएको चर्को शोषणबाट केही हदसम्म उनीहरु मुक्त हुने भएका छन् ।
