Nepal's No.1 Filmy Web Magazine
पहिलो पटक नेपाली फिल्म बंगलादेशमा रिलिज भएको छ । अघिल्लो वर्षको माघ ११ गते नेपालमा प्रदर्शन भएको फिल्म ‘केटी हराएको सूचना’ बंगलादेशका हलमा शुक्रबार (आज)बाट प्रदर्शनमा आएको हो । अनलाइन पोर्टल भ्यूज बंगलादेशका अनुसार मल्टीप्लेक्स चेन स्टार सिनेप्लेक्सको ढाकासहित अन्य सहरका हलमा फिल्मलाई प्रदर्शन गरिएको छ ।
जातीय भेदभाव र छुवाछूतको कथामा बन्न लागेको फिल्म ‘जदौ’लाई काजी लिम्बू र अञ्जन शर्माले संयुक्त रुपमा निर्देशन गर्ने भएका छन् । बिहीबार काठमाडौंमा आयोजित फिल्मको घोषणा सभामा निर्देशकबारे जानकारी गराइयो । यसअघि फिल्ममा अनुबन्ध भएका कलाकारको बारेमा जानकारी गराइए पनि निर्माण पक्षले निर्देशकको नाम गोप्य राखेको थियो ।
यही साउन १६ गतेबाट प्रदर्शनमा आउन लागेको फिल्म ‘रियाल रिङ्गेट’को ट्रेलर सार्वजनिक गरिएको छ । साढे ३ मिनेटभन्दा लामो ट्रेलरमा रोजगारीको समस्याले खाडी मुलुक जानुपर्ने नेपाली युवाहरुको बाध्यता र विदेशमा उनीहरूले भोग्नुपरेको चरम यातनालाई मर्मस्पर्शी ढंगबाट देखाइएको छ । ट्रेलरले सहकारी ठगीको कथामा पनि फिल्म आधारित रहेको खुलासा गर्छ ।
अभिनेता विल्सन विक्रम राईको निर्माण तथा निर्देशनमा बन्न लागेको फिल्म ‘मैझारो’को छायांकन पूर्वी पहाडी जिल्ला इलामबाट सुरु भएको छ । बिहीबार क्यामेरा, स्क्रिप्ट र क्ल्याप पूजा गर्दै फिल्मको शुभ मुहूर्त गरेपछि अभिनेता धीरज मगरको पहिलो दृश्य खिचियो । इलाम र पाँचथर जिल्लामा फिल्मको एक महिना छायांकन हुने जनाइएको छ ।
बुधबार साँझ अभिनेता तथा निर्माता रमेश उप्रेतीको एउटा फेसबुक स्टाटसले फिल्म क्षेत्रमा तरंग नै ल्यायो । अक्सर राजनीतिज्ञप्रति कटाक्षपूर्ण स्टाटस लेख्ने गरेका उनले बुधबार भने अभिनेताप्रति लक्षित गर्दै अशिष्ट शब्द समेत प्रयोग गरे । ‘तोरी ५० लाखे’ भनेर लेखिएको उनको पोस्टको कमेन्टमा एकजना अभिनेताको नाम अत्याधिक आएपछि उनले करिब एक घन्टापछि स्टाटस नै हटाए ।
