Nepal's No.1 Filmy Web Magazine

यतिबेला भारतमा कुनै फिल्मको सर्वाधिक चर्चा छ भने त्यो ‘सैयारा’को हो । कारण, फिल्मले गरेको अविश्वसनीय व्यापार । नयाँ कलाकारलाई लिएर बनेको यो फिल्मले प्रदर्शनको ६ दिनमा भारतीय बक्स अफिसमा १५० करोड कमाइसकेको छ । फिल्मको व्यापारिक रफ्तार हेर्दा ३ सय करोड सजिलै पार हुने देखिन्छ । जबकि, यो फिल्म भारु ४५ करोडको लागतमा निर्माण भएको हो ।

जनै पूर्णिमाको अवसर पारेर साउन २३ गतेबाट प्रदर्शनमा आउने तयारीमा रहेको फिल्म ‘सिटामोल’को मर्मस्पर्शी ट्रेलर सार्वजनिक गरिएको छ । ३ मिनेट २० सेकेण्ड लम्बाइको ट्रेलरले फिल्मको कथावस्तु, परिवेश, पात्र र परिस्थिति उजागर गरेको छ । आर्थिक अभावका कारण एक दम्पतीको जीवनमा आउने उतारचढाव फिल्मको मूल कथा रहेको देखिन्छ । 

नेपालको पहिलो साइन्स फिक्सन फिल्म ‘एक्लो : वान’को केही महत्त्वपूर्ण दृश्य मंगलबार काभ्रेपलाञ्चोकको पनौती नगरपालिकामा खिचिएको छ । फिल्मका प्रमुख अभिनेता विजय लामा र अभिनेत्री दीया पुन सहभागी भएको छायांकन करिब ६ घन्टा चलेको थियो । पनौतीमा खिचिएको दृश्य फिल्ममा जम्मा तीन मिनेटको हुने निर्देशक प्रदीप शाहीले बताए ।

यस्तो लाग्छ, नेपाली निर्माताहरूबीच ‘जुत्ता’ नाम राखेर फिल्म बनाउने होड चलिरहेको छ । निर्देशक निकेश खड्काले २०७४ सालमा ‘फाटेको जुत्ता’ बनाएका थिए । यसपालिको दशैंमा दीपेन्द्र के. खनालको निर्देशनमा बनेको फिल्म ‘हरिबहादुरको जुत्ता’ प्रदर्शन हुँदैछ । अब ‘लाहुरेको जुत्ता’ नाममा नयाँ फिल्म बन्ने भएको छ । यो फिल्म निर्देशक नवीन सुब्बाले बनाउन लागेका हुन् ।

अभिनेता अनुप विक्रम शाहीले आफ्नो करिअरमा सबैभन्दा बढी निर्देशक मिलन चाम्सको फिल्ममा काम गरेका छन् । फिल्म ‘हँसिया’बाट सुरु भएको उनीहरुको सहकार्य ‘वीर विक्रम’ र ‘लिलिबिली’मा पनि भयो । अब सात वर्षपछि चौथो पटक उनीहरुले सहकार्य गर्ने भएका छन् । मिलनको निर्देशनमा बन्न लागेको नयाँ फिल्म ‘सुम्निमा’मा अनुप अनुबन्ध भएका हुन् ।

खिल बहादुर गुरुङको निर्देशन तथा ‘जारी’ निर्देशक उपेन्द्र सुब्बाको लेखनमा बनेको फिल्म ‘रिमै’को टिजर सार्वजनिक गरिएको छ । झन्डै २ मिनेट लामो टिजरले फिल्मको कथावस्तु, चरित्र चित्रण र केन्द्रीय द्वन्द्वबारे केही संकेत गर्छ । गुरुङ समुदायको परम्परा र लाहुरे संस्कृतिमा आधारित भएर फिल्मले त्रिकोणात्मक प्रेमकथा प्रस्तुत गरेको टिजरबाट बुझ्न सकिन्छ ।