Nepal's No.1 Filmy Web Magazine
आगामी कात्तिक २८ गतेबाट नेपाल र भारतमा एकसाथ प्रदर्शन हुन लागेको फिल्म ‘धागो’को पहिलो गीत ‘ट्याउँ ट्याउँ’ सार्वजनिक गरिएको छ । रोमान्टिक कमेडी शैलीमा तयार पारिएको यो गीतमा पुष्पन प्रधान र आकाङ्क्षा थापाको स्वर रहेको छ भने शब्द तथा संगीत पुष्पन स्वयंको हो ।
यसपालिको दशैंको फूलपातीपछि तिहारमा पनि नेपाली फिल्मबीच त्रिपक्षीय भिडन्त हुने भएको छ । तिहारको मुख्य दिन भाइटीका (६ कात्तिक)लाई दुई फिल्म ‘सोल्टिनी’ र ‘वरिष्ठ बलराम’ले प्रदर्शन मिति घोषणा गरिसकेको अवस्थामा अब ७ कात्तिकमा (भाइटीकाको भोलिपल्ट) कलाकार विल्सन विक्रम राईको निर्देशनमा बनेको फिल्म ‘मैझारो’ प्रदर्शन हुने भएको छ ।
गत असार र साउनमा तुलनात्मक रूपमा कम देखिएको फिल्म रिलिजको चाप भदौ महिना सुरु भएसँगै ह्वात्तै बढेको छ । अघिल्लो दुई हप्तामा मात्र चारवटा फिल्म प्रदर्शन भइसकेका छन् । यस्तैमा शुक्रबारबाट हलमा नयाँ फिल्म ‘रिमै’ थपिएको छ । योसँगै बलिउडको ‘बागी ४’ र हलिउडको ‘द कन्जुरिङ : लास्ट राइट्स’ जस्ता ठूला फिल्म पनि प्रदर्शनमा आएका छन् ।
६ वर्ष अगाडि घोषणा भएको ‘पारस’ शीर्षकमा अब निर्देशक कृषा चौलागाइँले फिल्म बनाउँदैछिन् । निर्माता माधव वाग्ले हुँदै अभिनेता भुवन केसीसम्मले यो शीर्षकमा फिल्म बनाउने तयारी गरेका थिए । भुवनले त मोटो रकममा ‘पारस’को सम्पूर्ण स्वामित्व नै लिएका थिए । तर, उनले फिल्म निर्माण गर्न सकेनन् । यो फिल्म बनेको हुन्थ्यो भने शीर्ष भूमिकामा अनमोल केसी देखिने थिए ।
यही शुक्रबारबाट प्रदर्शन हुन लागेको फिल्म ‘रिमै’ले प्रिमियरमा सकारात्मक प्रतिक्रिया बटुलेको छ । बुधबार साँझ काठमाडौंको रञ्जना सिनेप्लेक्समा आयोजित प्रिमियरमा उपस्थित सेलिब्रेटीहरूले फिल्मको कथावस्तु र कलाकारहरूको अभिनयको खुलेर प्रशंसा गरे । प्रिमियरमा गुरुङ समुदायको सांस्कृतिक पहिचान झल्काउने सोरठी नाच समेत प्रस्तुत गरिएको थियो ।
सम्पादकको रूपमा परिचित सुरेन्द्र पौडेलको निर्देशनमा बनेको फिल्म ‘वरिष्ठ बलराम’को फर्स्टलुक पोस्टर र टिजर सार्वजनिक गरिएको छ । दुवै सामग्रीमा फिल्मका मुख्य दुई अभिनेता दयाहाङ राई र विजय बराललाई केन्द्रमा राखिएको छ । टिजरमा उनीहरू आमनेसामने भएको देखिन्छ, जसले कथामा हुने सम्भावित द्वन्द्वलाई संकेत गर्छ ।
