Nepal's No.1 Filmy Web Magazine

गणतन्त्र दिवसको अवसर पारेर जेठ १५ गतेदेखि प्रदर्शनमा आउन लागेको फिल्म ‘रोल नं १’ले आफ्नो लक्षित दर्शकलाई आकर्षित गर्न भिडियो प्रतियोगिताको घोषणा गरेको छ । निर्माताले ‘लौ सुन म भन्छु मेरो स्कुले कहानी’ शीर्षकमा भिडियो प्रतियोगिता आयोजना गर्दै आफ्नो स्कुले जीवनबारे उत्कृष्ट भिडियो बनाउनेलाई नगद पुरस्कार प्रदान गर्ने घोषणा गरेका हुन् । 

परिच्छेद सेनको निर्देशनमा बन्न लागेको फिल्म ‘महाराजधिराज’को छायांकन सुरु भएको छ । गत वैशाख २२ गते ललितपुरको बंगलामुखी मन्दिरमा पञ्चेबाजासहित शुभ मुहूर्त गरिएको यस फिल्मको सुनसरीको बराहक्षेत्रस्थित श्रीलंका टापुबाट छायांकन थालिएको हो । फिल्मका प्रस्तुतकर्ता विराज विष्टका अनुसार त्यहाँ करिब एक साता छायांकन हुनेछ । 

फिल्म बहिष्कारमा परेपछि व्यापार चौपट हुन्छ भन्ने मान्यतालाई फिल्म ‘लालीबजार’ले गलत सावित गरेको छ । प्रदर्शनपूर्व ‘खरानी ग्याङ’को फिल्म भन्दै यसविरुद्ध सामाजिक सञ्जालमा बहिष्कारको अभियान नै चलेको थियो । अदालतमा मुद्धा पर्दा एकपटक प्रदर्शन समेत रोकियो । तर, यसका बाबजुद पनि फिल्मले बक्स अफिसमा आक्रामक कमाइ गरिरहेको छ । 

यतिबेला फ्रान्समा विश्व प्रसिद्ध कान्स फिल्म फेस्टिभल भइरहेको छ । यस वर्षको उक्त फेस्टिभलमा थुप्रै नेपाली फिल्मकर्मीहरूले उपस्थिति जनाएका छन् । यही बिहीबार कान्समा वर्ल्ड प्रिमियर हुन लागेको नेपाली फिल्म ‘एलिफेन्ट्स इन द फग’का निर्देशक अविनाश विक्रम शाह सोमबार फेस्टिभलको रेड कार्पेटमा सहभागी भएका थिए । 

अभिनेता नीर शाहले करिब १० वर्षपछि निर्देशनमा पुनरागमन गरेको फिल्म ‘कमला मिस’ साउन २२ गतेबाट प्रदर्शनमा आउँदैछ । यतिबेला पोस्ट प्रोडक्सनमा रहेको यस फिल्मको सोमबार फर्स्टलुक पोस्टर सार्वजनिक गरिएको छ । फिल्मकी मुख्य अभिनेत्री बासना तिमल्सिनालाई केन्द्रमा राखिएको पोस्टरले कथावस्तुबारे संकेत गरेको छ ।