Nepal's No.1 Filmy Web Magazine
फिल्म ‘सिन्दुरे जात्रा’को छायांकनका क्रममा अभिनेता विजय बराल घाइते भएका छन् । गत बुधबार पर्वत जिल्लाको कुश्मा नगरपालिका–१४ स्थित आर्थर डाँडाखर्क गाउँमा फिल्मको एक दृश्यका लागि घोडा चढ्ने क्रममा अचानक सन्तुलन बिग्रँदा उनको दाहिने हातको जोर्नीमा चोट लागेको हो । त्यहाँ करिब १५ दिनदेखि फिल्मको छायांकन भइरहेको थियो ।
कीर्तिमानी फिल्म ‘पूर्ण बहादुरको सारङ्गी’का निर्माता विनोद पौडेलले निर्माण गरेको फिल्म ‘रोल नं १’ हिजो शुक्रबारबाट देशभर प्रदर्शनमा आइसकेको छ । तर, फिल्मको ओपनिङ अपेक्षित हुन सकेन । यद्यपि, फिल्मलाई दर्शकीय प्रतिक्रिया सकारात्मक मिलेको छ । शुक्रबार काठमाडौंका विभिन्न हलमा फिल्म हेरेका दर्शकहरू भावविह्वल बनेका थिए ।
बालेन शाह (बालेन्द्र) नेतृत्वको सरकारले महानगरपालिका र उपमहानगरपालिकाबाहेकका क्षेत्रमा नयाँ सिनेमा हल खोल्नेलाई सुरुका १० वर्षसम्म आयकर छूट दिने भएको छ । अर्थमन्त्री डा. स्वर्णिम वाग्लेले शुक्रबार संघीय संसदमा आगामी आर्थिक वर्ष २०८३/८४ को बजेट प्रस्तुत गर्दै यस्तो घोषणा गरेका हुन् ।
‘मोहर’का निर्देशक ओम प्रतीकको लेखन तथा निर्देशनमा बनेको फिल्म ‘हली’ साउन २२ गते (७ अगस्ट)बाट प्रदर्शनमा आउने भएको छ । शुक्रबार निर्माताले दुईवटा आधिकारिक पोस्टर सार्वजनिक गर्दै प्रदर्शन मितिबारे जानकारी गराएका हुन् । फिल्मले घोषणा गरेको उक्त मितिमा नीर शाह निर्देशित फिल्म ‘कमला मिस’ पनि प्रदर्शन हुने तयारीमा छ ।
गत वर्ष व्यावसायिक सफलता हासिल गरेको फिल्म ‘जारी २ : सङ अफ च्याब्रुङ’ नेपालको अग्रणी ओटीटी प्लाटफर्म सिनेमाघर एपमा रिलिज भएको छ । शुक्रबार फिल्मलाई विश्वभरका दर्शकले हेर्न मिल्ने गरी एपमा रिलिज गरिएको हो । दर्शकले यो फिल्म ‘एचडी’ क्वालिटीमा १९९ रुपैयाँ र ‘फोरके’ क्वालिटीमा २९९ रुपैयाँ तिरेर हेर्न सक्नेछन् ।
गत वैशाख २५ गतेबाट प्रदर्शनमा आएको फिल्म ‘लालीबजार’ले तीन सातादेखि बक्स अफिसमा आफ्नो दबदबा कायम गरिरहेको अवस्थामा यसलाई चुनौती दिन शुक्रबारबाट तीन फिल्म ‘रोल नं १’, ‘सेप अफ मोमो’ (छोरा जस्तै) र ‘कुम्भ’ एकसाथ प्रदर्शनमा आएका छन् । यी तीनवटै फिल्म फरक-फरक कथा र कथ्य शैलीमा बनेका हुन् ।
