Nepal's No.1 Filmy Web Magazine

प्रायः नेपाली फिल्मको प्रचार सामाग्री प्रदर्शन मिति तय भएपछि मात्र सार्वजनिक गर्ने प्रचलन छ । तर, नयाँ फिल्म ‘प्रतिवैरम’को भने प्रदर्शन मिति नै निश्चित नहुँदै प्रचारको महत्त्वपूर्ण अस्त्र मानिने टिजर सार्वजनिक गरिएको छ । १ मिनेट २९ सेकेन्ड लामो टिजरले फिल्मको कथावस्तुबारे प्रकाश पारेको छ । दाइजो प्रथादेखि अवैध धन्दासम्मको कथा यसमा देख्न सकिन्छ ।

नेपाली फिल्म उद्योगमा नयाँ युगको सुरुवात भएको छ । साइन्स फिक्सन विधामा निर्माण भएको फिल्म ‘एक्लो-१’मार्फत नेपाली फिल्मले नयाँ धार समातेको हो । नेपाली फिल्मको इतिहासमै फरक र साहसी प्रयोगका रूपमा हेरिएको यो फिल्म अब दर्शकसमक्ष पुगेको छ । अंग्रेजी नयाँ वर्ष २०२६ को अवसर पारेर बिहीबारबाट फिल्म सार्वजनिक प्रदर्शनमा आएको हो ।

आगामी माघ २३ गतेबाट प्रदर्शन हुन लागेको फिल्म ‘कुमारी’को तेस्रो गीत ‘डोको बुन्ने’ सार्वजनिक गरिएको छ । केहर सिंह लिम्बूको स्वरमा रहेको उक्त गीत बुधबार काठमाडौंमा एक कार्यक्रमको आयोजना गर्दै सार्वजनिक गरिएको हो । सागर लामिछाने मगर र सुमन तामाङको शब्द रचना तथा सुमन तामाङ र केहर स्वयंको संगीत रहेको गीत लोकलयमा आधारित छ । 

अभिनेता सौगात मल्ल र अभिनेत्री सृष्टि श्रेष्ठले ब्रेकअपपछि पहिलो पटक एकसाथ काम गरेको फिल्म ‘भाइरल गोर्खे’को ट्रेलर सार्वजनिक गरिएको छ । बुधबार काठमाडौंमा एक कार्यक्रम आयोजना गर्दै दर्शकमाझ ल्याइएको चार मिनेट लामो ट्रेलरमा एक पात्रको कथा देखाइएको छ, जो टिकटकमा भाइरल हुन चाहन्छ । त्यसका लागि उसले गर्ने संघर्ष ट्रेलरमा देख्न सकिन्छ ।

अभिनेता अनुप विक्रम शाहीका लागि सन् २०२५ जीवनकै सबैभन्दा यादगार वर्ष रह्यो । यो वर्ष उनले बलिउड सुपरस्टार सलमान खानसँग वार ड्रामा ‘ब्यालट अफ गलवान’मा काम गर्ने अवसर पाए । फिल्ममा उनको धेरैजसो दृश्य सलमानसँगै छ । आफूले बच्चैदेखि पर्दामा हेर्दै आएको स्टारसँग स्क्रिन सेअर गर्न पाएकोमा उनी आफूलाई भाग्यमानी ठान्छन् । 

करिब २१ वर्षपछि दोस्रो पटक निर्माण भएको फिल्म ‘हामी तीन भाइ’ रामनवमीको अवसर पारेर चैत १३ गतेबाट प्रदर्शनमा आउने भएको छ । बुधबार निर्माण पक्षले फर्स्टलुक पोस्टर सार्वजनिक गर्दै फिल्मको प्रदर्शन मिति तय गरेको हो । उक्त मितिमा अभिनेत्री सुरक्षा पन्तको मुख्य भूमिका रहेको फिल्म ‘चमेलीको पोइ’ पनि प्रदर्शनमा आउने तयारीमा छ ।