Nepal's No.1 Filmy Web Magazine
राजु गिरीको निर्देशनमा बन्न लागेको नयाँ फिल्म ‘डल्लेले इन्ट्री मार्यो’को मुख्य अभिनेत्रीमा रोशनी खड्का अनुबन्धित भएकी छन् । सोमबार घटस्थापनको दिन पारेर उनीसँग निर्माण पक्षले लिखित सम्झौता गरेको हो । फिल्ममा उनको जोडी अभिनेता सागर लम्साल (बले ब्रो)सँग बाँधिनेछ । सागर गत माघमै फिल्ममा अनुबन्ध भएका हुन् ।
कलाकार विल्सन विक्रम राई (तक्मे बुढा)को निर्देशनमा बनेको फिल्म ‘मैझारो’को टिजर सार्वजनिक गरिएको छ । सोमबार घटस्थापनको दिन पारेर सार्वजनिक दुई मिनेट लामो टिजरले फिल्मको कथा त्रिकोणात्मक प्रेमकथामा आधारित रहेको संकेत गर्छ । फिल्मले लिम्बू समुदायको संस्कार र संस्कृतिलाई पनि कथाको महत्त्वपूर्ण हिस्सा बनाएर प्रस्तुत गरेको छ ।
नेपाली र भारतीय निर्माताले मिलेर फिल्म ‘मोना लिसा’ (ब्लडी लभ) निर्माण गर्ने भएका छन् । सोमबार घटस्थापनाको अवसरमा दुईवटा पोस्टर सार्वजनिक गर्दै यस फिल्मको निर्माण घोषणा गरिएको हो । पोस्टरले फिल्मको कथामा प्रेम र एक्सनको मिश्रण रहेको संकेत गर्छ । एउटा पोस्टरमा फूल र अर्कोमा बन्दुकलाई केन्द्रमा राखिएको छ ।
गत साउनमा प्रदर्शन भएको फिल्म ‘सिटामोल’का निर्देशक राज बहादुर सानेले ‘लज्जावती’ शीर्षकमा नयाँ फिल्म बनाउने भएका छन् । सोमबार घटस्थापनाको अवसरमा पशुपतिनाथ मन्दिरमा शुभमुहूर्त गर्दै फिल्मको औपचारिक रुपमा निर्माण घोषणा गरिएको हो । मुहूर्तसँगै पशुपति आर्यघाटबाट फिल्मको छायांकन पनि सुरु गरिएको छ ।
अभिनेता सुशील श्रेष्ठको मुख्य भूमिका रहेको फिल्म ‘परिवर्तन’ आगामी माघ ९ गतेबाट प्रदर्शनमा आउने भएको छ । सोमबार घटस्थापनको दिन पारेर निर्माण पक्षले फर्स्टलुक पोस्टर सार्वजनिक गर्दै फिल्मको प्रदर्शन मिति घोषणा गरेको हो । पोस्टरमा सुशीललाई एक्सन अवतारमा प्रस्तुत गरिएको छ । हातमा धारिलो हतियार लिएका उनको अनुहारमा रिसको आवेग देखिन्छ ।
असोज ३१ गतेबाट प्रदर्शनमा आउने तयारीमा रहेको फिल्म ‘जेरी अन टप’को पहिलो गीत ‘कस्तुरी’ सार्वजनिक गरिएको छ । सोमबार घटस्थापनाको दिन पारेर सार्वजनिक रोमान्टिक भावको गीतमा फिल्मका मुख्य जोडी अनमोल केसी र आँचल शर्मालाई प्रस्तुत गरिएको छ । मुस्ताङ र भारतको राजस्थानका दृश्यहरुमा उनीहरु रोमान्टिक देखिएका छन् ।
