Nepal's No.1 Filmy Web Magazine

हास्य कलाकार सिताराम कट्टेल (धुर्मुस) करिब ६ महिना लामो अमेरिका बसाइँपछि नेपाल फर्किएका छन् । उनले आइतबार बिहान सामाजिक सञ्जाल फेसबुकमा एक पोस्ट लेख्दै यसबारे जानकारी गराएका हुन् । उनी गत वर्षको मंसिरमा परिवारसहित अमेरिका गएका थिए । त्यसबेला उनी अमेरिका पलायन भएको भन्दै व्यापक टिका–टिप्पणी भएको थियो । 

प्रदर्शनको दुई दिनमा विश्वव्यापी १५० करोड र भारतमा ११४ करोडभन्दा बढीको व्यापार गरिसकेको तेलुगु फिल्म ‘पेड्डी’ विवादमा तानिएको छ । फिल्ममा अभिनेत्री जाह्नवी कपूरले निर्वाह गरेको ‘अचियम्मा’ पात्रका कारण विवाद उत्पन्न भएको हो । फिल्ममा उक्त पात्रको प्रस्तुतिलाई लिएर सामाजिक सञ्जालमा दर्शकहरूले आपत्ति जनाएका छन् ।

चर्चित पत्रकार तथा लेखक विजय कुमार पाण्डेले पहिलो पटक फिल्म निर्देशन गर्ने भएका छन् । अभिनेता विपिन कार्कीले निर्माण गर्ने फिल्मबाट उनले निर्देशकीय यात्रा सुरु गर्न लागेका हुन् । शुक्रबारको एक महत्त्वपूर्ण भेटपछि उनीहरूबीच फिल्ममा सहकार्य गर्ने मौखिक सहमति भएको हो । फिल्मको नाम भने अहिलेसम्म तय नभएको विपिनले जानकारी दिए । 

नेपाली फिल्मको ‘स्वर्ण युग’की सर्वाधिक सफल अभिनेत्री हुन्, निरुता सिंह । ५० र ६० को दशकमा उनी निर्विकल्पझैँ थिइन् । गाउँले र दुःखी चरित्रमा सबैभन्दा पहिला उनलाई नै खोजिन्थ्यो । त्यही समयमा उनले ५० भन्दा बढी फिल्ममा अभिनय गरिन् । तीमध्ये ‘दर्पण छायाँ’ (२००१)लाई उनको करिअरको ‘टर्निङ पोइन्ट’को रूपमा लिइन्छ ।

केही दिनअघि प्रतिनिधि सभा (संसद्)को बैठकमा ‘नेपालले पनि भारतको भूमि मिचेको रहेछ’ भन्ने प्रधानमन्त्री बालेन शाहको अभिव्यक्तिको यतिबेला चौतर्फी आलोचना र विरोध भइरहेको छ । यो विषयमा उनले माफी माग्नुपर्ने आवाज उठिरहँदा अभिनेता राजेश हमालले पनि प्रधानमन्त्री शाहको अभिव्यक्तिप्रति टिप्पणी गर्दै त्यसलाई दूरदृष्टिको अभाव भनेका छन् । 

छायांकन सकिएर हाल पोस्ट प्रोडक्सनमा रहेको फिल्म ‘बाः एक योद्धा’का कलाकारबारे निर्माण टिमले लामो समय मौनता साध्यो । छायांकन अन्तिम चरणमा रहँदा मात्र फिल्मका तीन मुख्य कलाकारको नाम सार्वजनिक गरिएको थियो, जसमा झरना थापा, सुहाना थापा र दिव्य देव थिए । बाँकी अन्य कलाकारलाई भने छायांकनभरि लुकाइयो ।